„ჩვენს შვილებს მხარი უნდა დავუჭიროთ და წავახალისოთ.“ წერს ფოტოს აღწერაში მუსიკალური პროდიუსერი და სუპერვარსკვლავების მამა მეთიუ ნოულისი. „მჯერა, ბევრ სფეროში ბავშვები უფრო ინტუიციურები არიან, ვიდრე მოზრდილები. ბავშვობის მისწრაფებებს სწორი მიმართულება და მშობლის გვერდში დგომა სჭირდება“.
„როდესაც ადრეულ ასაკშივე ბიონსემ და სოლანჟმა მუსიკისადმი დიდი ინტერესი გამოავლინეს, მე და თინა მათ მისწრაფებებს მხარს ვუჭერდით. ჩვენ ვამხნევებდით და ვხელმძღვანელობდით, მანამ, სანამ ისინი ამას სერიოზულად აღიქვამდნენ. ყოველთვის მოგვწონდა ის მიმართულება, რაც მათ აირჩიეს და ამით კმაყოფილები ვიყავით.“
მეთიუ ადრეული ასაკიდანვე მართავდა ბიონსეს და სოლანჟის კარიერას. იგი ასევე იყო Destiny Child-ის მუსიკალური პროდიუსერი.
„ნიჭიერ ხალხს გვერდში დგომა, გამხნევება და მოტივაცია სჭირდება, რომელიც მათ ზუსტ მიმართულებას და სწორ გზას აჩვენებს, ეს ყოველივე კი სამყაროს უკეთეს ადგილად აქცევს.“
