2023 წლის „გრემის“ დაჯილდოების შემდეგ, სადაც Jay-Z-მ და DJ Khaled-მა God Did შეასრულეს, არტისტი სცენაზე ბრუნდება. პარასკევს, 14 აპრილს, „გრემის“ მფლობელი მუსიკოსი ერთჯერად „სადღესასწაულო კონცერტს“ ენდი ვორჰოლს და ჟან-მიშელ ბასკიას პატივსაცემად გამართავს.
Louis Vuitton Foundation-ის ოფიციალური ვებგვერდის გავრცელებული ინფორმაციით Jay-Z-ს პერფორმანსი Foundation’s Auditorium-ში 14 აპრილს, საღამოს ცხრა საათზე გაიმართება. ღონისძიების მთავარი სპონსორი კი, ცნობილი კომპანია Tiffany and Co. არის.
2023 წლის „გრემის“ დაჯილდოებაზე გამოსვლის შემდეგ Jay-Z-მ TIDAL-თან მუსიკაში მრავალწლიანი პაუზის შესახებ და სცენაზე გამოსვლის აუცილებლობაზე ისაუბრა. „დიდხანს ვფიქრობდი ამაზე და ბოლოს ჩემს თავს ვუთხარი, რომ ისევ ჩვენი კულტურისთვის, ჰიპ-ჰოპისთვის, ჩვენ ეს უნდა გავაკეთოთ. ეს არ არის ტრადიციული სიმღერა, არ არის სტრუქტურულად ტრადიციული სიმღერის ჟღერადობა, რომელიც წლის სიმღერაზე იქნება ნომინირებული. ეს არ არის ის, რასაც ელოდებით. სწორედ კულტურისთვის და ჰიპ-ჰოპისთვის ჩვენ ეს უნდა გავაკეთოთ.“
მიუხედავად იმისა, რომ Jay-Z-ს ბოლო ექვსი წლის განმავლობაში ახალი ალბომი არ გამოუშვია, ის კვლავ რჩება რეპის და მუსიკალური ინდუსტრიის ცენტრში. „ბილბორდმა“ ის ყველა დროის საუკეთესო რეპერად დაასახელა.
