ბიონსე Time-ის მიერ დასახელებულ 2023 წლის ყველაზე გავლენიან ადამიანთა სიაში მოხვდა. მომღერლის მნიშვნელობაზე მისი ბოლო ალბომის Renaissance-ის თანაპროდიუსერი ჰანი დიჟონი წერს:
„2003 წელს ბიონსემ მისი ჰიტი Crazy in Love შეასრულა. ეს შესრულება ასახავდა შავკანიანი არტისტების მემკვიდრეობასა და კულტურას, დაწყებული ჯოზეფინ ბეიკერით, დამთავრებული ტინა ტერნერით, ჯეიმს ბრაუნითა და პრინცით. ის, თუ როგორ ფლობდა სცენას და უძღვებოდა ბენდს, სრულყოფილი იყო. სწორედ ამ შესრულებით დაიმკვიდრა მან ადგილი პანთეონში, როგორც ჩვენი დროის ერთ-ერთი ყველაზე დიდი შავკანიანი არტისტი.”
დიჟონმა ასევე აღნიშნა, რომ ბიონსეს 2022 წლის მეშვიდე სტუდიური ალბომი „კიდევ ერთი ისტორიული მომენტი იყო, რომელმაც ყველაფერთან ერთად დიდი სამსახური გაუწია შავკანიან ქვიარ კომუნას. შემდეგ კი ბიონსე ყველაზე ბევრი „გრემის“ მფლობელი გახდა.”
32 ჯილდოთი წელს ბიონსემ კლასიკური მუსიკის დირიჟორ სერ გეორგ შოლტის გადაუსწრო და „გრემის” ისტორიაში ყველაზე მეტი ჯილდოს მფლობელი გახდა.
„ბიონსეს უშიშრობა, ნიჭი, სილამაზე და არტისტიზმი შავკანიანი ქალი არტისტებისთვის შთაგონების წყარო კიდევ ათასწლეულები იქნება.” – ამ სიტყვებით ასრულებს ჰანი დიჟონი თავის მესიჯს.
