17 აპრილს ქართველი მუსიკოსები კონცერტს ბერლინში, Prime Time Theater-ში გამართავენ. გიორგი გიგაშვილი, ნინი ნუცუბიძე, ნიკალა ზუბიაშვილი და მარიამ კუბანსკი მსმენელის წინაშე stARTfestival-ის ფარგლებში წარდგებიან.
„ტრადიციული და ამაღელვებელი” – ნათქვამია ფესტივალის ოფიციალურ გვერდზე გავრცელებულ ანონსში. „ეს ორი ცნება ადვილად ერთიანდება, როცა გიორგი გიგაშვილი ხარ. მის ბენდთან ერთად გიგაშვილი აერთიანებს ქართულ ტრადიციულ ფოლკლორს იმ მუსიკალურ ენასთან, რომელიც მხოლოდ მისია. გარდა ამისა, კონცერტზე შესრულდება გიგაშვილის საავტორო კომპოზიციებიც. ყველაფერი შთაგონებულია ტრადიციებით, მაგრამ ვითარდება აქ და ახლა.”
stARTfestival 15 აპრილს დაიწყო და 7 ივნისამდე გაგრძელდება. ფესტივალის ფარგლებში გიორგი გიგაშვილი გერმანელი მსმენელის წინაშე კიდევ ერთხელ, 16 მაისს, ამჯერად სოლო კონცერტით წარდგება.
მანამდე ქართველმა მუსიკოსებმა, იმავე შემადგენლობით, კონცერტი ჰაიდელბერგში გამართეს.
