მადონა დედობასა და რადიკალ ქალთა მოდელებზე საუბრობს

მუსიკოსმა ფრიდა კალო, მართა გრეჰემი და ჯორჯია ო’კიფი გაიხსენა.
ფოტო: რიკარდო გომესი

მადონა დედის დღეს სოციალური ქსელით გამოეხმაურა და დედობასა და ოჯახზე ემოციურ პოსტში ისაუბრა.

„მე ყოველდღე მენატრება დედაჩემი და ათწლეულების განმავლობაში ფანტაზიაში წარმოვიდგენ, თუ როგორი იქნებოდა, დედა რომ მყოლოდა: დახმარების სათხოვნელად, დამცველად, ზრუნვისა და სიბრძნისთვის. მე უარი ვთქვი დედობაზე ჩემს 30-იან წლებში, რადგან დედობას მსხვერპლთან, ტანჯვასთან და საბოლოოდ სიკვდილთან ვაკავშირებდი. მე კი არც ერთი მათგანი არ მინდოდა,” – წერს მადონა დედაზე, რომელიც მკერდის სიმსივნით გარდაიცვალა, როცა მომღერალი 5 წლის იყო. 

„მე გადავწყვიტე, რომ ნაკლებად ცნობილი გზა ამერჩია, რომელსაც არ ჰქონდა წინასწარ განსაზღვრული იდეა, თუ რას მოელოდნენ ჩემგან, როგორც ქალისგან. ჩემთვის მაგალითები იყვნენ რადიკალი ქალები, როგორებიც არიან ფრიდა კალო, მართა გრეჰემი და ჯორჯია ო’კიფი… დიდი ხელოვანები, რომელთაც არ ჰყავდათ შვილები!!”

ოჯახური ფოტოებისგან შემდგარ პოსტს მომღერალმა დაამატა, რომ როდესაც საბოლოოდ დედა გახდა, თავადაც გაოცებული დარჩა იმ ფაქტით, თუ როგორ მტკიცედ გრძნობდა თავს. თუმცა ამავე დროს დაბნეულად იმით, თუ როგორ იპოვიდა ბალანსს კარგ დედობასა და უკომპრომისო არტისტობას შორის. „ამ გზაზე ბევრი წლის განმავლობაში ნახევრად ბრმად ვიარე და ბევრი შეცდომა დავუშვი. Რადგან ყველა მშობელმა იცის, რომ არ არსებობს რაიმე ინსტრუქცია, რომელსაც გაჰყვები. მე, როგორც დედას, ჩემი მწვერვალებიც გამომიცდია და ჩემი დაცემებიც. ამისთვის ვერავინ მომამზადებდა.”

Პოსტის დასასრულს კი მადონა დედას მიმართავს: „ძვირფასო დედა, სადაც არ უნდა იყო… იმედი მაქვს, რომ ბედნიერი ხარ შენი შვილიშვილებით!! ხშირად წარმოვიდგენ, რომ ჩვენთან ერთად მღერი და ცეკვავ სამზარეულოში!”

Share
Tweet
Share
Share
Share

წინა სტატია

ედ შირანის თქმით, ის ჰარი სტაილსით ამაყობს

შემდეგი სტატია

ნინო ქათამაძე Insight-თან ერთად ამერიკის და კანადის საკონცერტო ტურნეს აანონსებს

შეიძლება დაგაინტერესოთ

„მგზავრების” გზავნილი საქართველოს ნაკრებს ევროპის ჩემპიონატის სადებიუტო მატჩამდე: ნახეთ ახალი სიმღერის ვიდეოკლიპი

„ისტორიული მატჩის წინ წარმატებებს ვუსურვებთ საქართველოს! გამარჯვება საქართველოს!”
მეტი

დონალდ ტრამპი ტეილორ სვიფტს „უჩვეულოდ ლამაზს” უწოდებს და ვარსკვლავის ლიბერალურ შეხედულებებს ეჭვქვეშ აყენებს

ტრამპმა მომღერლის შესახებ აზრი Variety-ის მთავარი რედაქტორის ახალ წიგნში დააფიქსირა.
მეტი