ერთი წელი გავიდა მას შემდეგ, რაც ჰარი სტაილსმა გრემის მფლობელი ალბომი – Harry’s House გამოსცა. 29 წლის არტისტი სოციალურ მედიის მეშვეობით ჩანაწერის ერთი წლის იუბილეს გამოეხმაურა.
„Harry’s House-ს ერთი წელი შეუსრულდა. არასდროს ვყოფილვარ იმაზე ბედნიერი, ვიდრე ამ ალბომზე მუშაობისას. მადლობელი ვარ ყველაფრისთვის.“ – ასე დაასათაურა სტაილსმა ინსტაგრამზე გამოქვეყნებული ფოტო, რომელზეც თავადვეა აღბეჭდილი.
Harry’s House 13 სიმღერას მოიცავს და სხვადასხვა ჟანრობრივ ელემენტებს აერთიანებს. 2023 წელს ამ ნამუშევრისათვის არტისტმა გრემის ჯილდო დაიმსახურა – ამერიკის ხმისჩამწერმა აკადემიამ Harry’s House წლის საუკეთესო ალბომად დაასახელა. ალბომმა Billboard 200-ის ჩარტების ლიდერის სტატუსიც მოიპოვა, ხოლო ჰიტი სახელწოდებით As It Was 15 კვირის განმავლობაში Billboard Hot 100-ის ჩარტებში პირველ ადგილს იკავებდა.
ნახეთ ჰარი სტაილსის მიერ ინსტაგრამზე გამოქვეყნებული პოსტი, რომელიც არტისტმა Harry’s House-ის ერთი წლის იუბილეს მიუძღვნა:
