ბიონსე ტინა ტერნერის გარდაცვალებას გამოეხმაურა და სოციალურ ქსელში წერილი გაავრცელა.
„ჩემო საყვარელო დედოფალო, მიყვარხარ უსასრულოდ. უზომოდ მადლიერი ვარ შენი შთაგონებისა და ყველა იმ გზისთვის, რომელიც შენ გაკვალე. შენ ხარ ძალა და შეუპოვრობა. შენ ხარ სიძლიერისა და სიყვარულის განსახიერება. ჩვენ ძალიან იღბლიანები ვართ, რომ გამოვცადეთ შენი კეთილშობილება და ლამაზი სული, რომელიც სამუდამოდ იცოცხლებს. მადლობა ყველაფრისთვის, რაც გაგიკეთებია.”
იმის გარდა, რომ ტინა ტერნერი ბიონსეს შთაგონების წყარო იყო, მათ ასევე ერთად შეასრულეს დუეტი 2008 წლის გრემის 50-ე დაჯილდოების ცერემონიაზე. ვარსკვლავებმა სცენაზე ტერნერის ჰიტი Proud Mary იმღერეს.
ტინა ტერნერის გარდაცვალების შესახებ განცხადება მის ინსტაგრამის ანგარიშზე გამოქვეყნდა. „დიდი მწუხარებით გაცნობებთ ტინა ტერნერის გარდაცვალების შესახებ. მისი მუსიკითა და სიცოცხლის უსაზღვრო სიყვარულით მან მსოფლიოს გარშემო მილიონობით ფანი მოაჯადოვა და ხვალინდელი დღის ვარსკვლავების შთაგონება გახდა. დღეს ჩვენ ვემშვიდობებით ძვირფას მეგობარს, რომელმაც დიდი შემოქმედება დაგვიტოვა: მისი მუსიკა. ჩვენი თანაგრძნობა ოჯახს. ტინა, ძალიან მოგვენატრები,” – წერია განცხადებაში.
ნახეთ ბიონსეს წერილი
Beyoncé dedicates a special message to Ms. Tina Turner. 🤍#RestInPeaceTinaTurner pic.twitter.com/z1uWndOS3N
— BEYONCÉ LEGION (@BeyLegion) May 24, 2023
