LOUDspeakers-მა მსმენელს ახალი სიმღერა წარუდგინა. Feel Me სინგლის სახით გამოიცა და ავტორების თქმით, ის ადამიანებისა და მათი ემოციების შეგრძნებებზეა.
ლევან ლაუდაძე – LOUDspeakers-ის ვოკალისტი:
„ჩვენდა სამწუხაროდ, დრო ძალიან სწრაფად მიქრის. ამიტომ, ტყუილად არ უნდა დავკარგოთ ის და უნდა შევიგრძნოთ ერთმანეთი და ის მნიშვნელოვანი ემოციები, რაც ადამიანებად გვაქცევს. ძირითადი იდეა, რა თქმა უნდა, სიყვარულია. სიყვარულს ხომ ახლავს თავისი რთული პერიოდებიც, რომელთაც გადალახვა სჭირდება იმ ადამიანთან ერთად, ვისთანაც ამ სიყვარულს აშენებ. აი, ამ ემოციებზეა, ამ ემოციების თავმოყრაზე, ასე ვთქვათ – ურთიერთობაში ერთმანეთის შეგრძნებაზე და რთული პერიოდების გადატანაზე, რომელიც რეალურად აძლიერებს ამ სიყვარულს.”
ჯგუფი ამჟამად კიდევ რამდენიმე ახალ სიმღერაზე მუშაობს, რომელთაც უახლოეს მომავალში ასევე სინგლების სახით გამოსცემს.
Რაც შეეხება საკონცერტო გეგმებს, 2 ივნისს LOUDspeakers თბილისში თსუ-ს სტუდენტებისთვის დაუკრავს. 7 ივლისს კი ჯგუფი მსმენელის წინაშე ბათუმის Mono Hall-ში სოლო კონცერტით წარდგება.
