ჯონ ბატისტი მუსიკალური სცენის ცნობილ ვარსკვლავებთან მუსიკალური თანამშრომლობით გამოირჩევა. როგორც არტისტმა People-თან ინტერვიუში გაამხილა, მის სიაში პოპ ვარსკვლავი ტეილორ სვიფტი გამორჩეულ ადგილს იკავებს. ბატისტი ტეილორ სვიფტს „ცოცხალ ლეგენდად“ მოიხსენიებს და ამბობს, რომ მასთან ერთად დიდი სიამოვნებით იმუშავებდა.
„ტეილორ სვიფტის კონცერტზე ვიყავი და ვფიქრობ, მასთან ერთად რაიმეს გაკეთება საკმაოდ სახალისო იქნება.“ – აღნიშნა მუსიკოსმა ინტერვიუში. როგორც ბატისტი ამბობს, ტეილორ სვიფტმა MetLife Stadium-ზე გამართულ კონცერტზე თავადვე დაპატიჟა და ბილეთები აჩუქა.
ხუთი გრემის მფლობელი ჯონ ბატისტის მუსიკალური შემოქმედება არაერთ მუსიკალურ კოლაბორაციას მოიცავს ისეთ მუსიკოსებთან, როგორებიც არიან: სტივი უანდერი, Prince, უილი ნელსონი, ლენი კრავიცი, ედ შირანი, ლანა დელ რეი და სხვა მრავალი ცნობილი არტისტი. როგორც ბატისტი ამბობს, მუსიკალური სცენის ვარსკვლავებთან მუშაობის პროცესი მოსწონს და „არ არის აუცილებელი, რომ ეს ჰიტის შექმნით დასრულდეს.“
