1-ელ ოქტომბერს საქართველოს ბრუნო მარსი ეწვევა. მუსიკოსი კონცერტს დინამო არენაზე Starring Georgia-ს ფარგლებში გამართავს.
ბრუნო მარსი თანამედროვე მუსიკალური სცენის ერთ-ერთი ყველაზე გავლენიანი არტისტია. ბილბორდის „ცხელ ასეულში” მისი 32 სიმღერაა შესული, რომელთაგან 18 ტოპ ათეულში მოხვდა. მუსიკოსის 8 სიმღერა კი სხვადასხვა დროს ჩარტის ლიდერი გახდა. Მათ შორის ყველაზე ხანგრძლივი დროით ლიდერობდა მარკ რონსონთან ერთად შესრულებული ჰიტი Uptown Funk, რომელმაც „ცხელი ასეულის” პირველ ადგილზე 14 კვირა გაატარა. 2016 წელს ამ კომპოზიციისთვის ბრუნო მარსმა 2 გრემი მოიპოვა – წლის ჩანაწერისა და საუკეთესო პოპ დუეტის/ჯგუფის ნომინაციებში.
ბრუნო მარსი ჯამში 15 გრემის მფლობელია და 31-ჯერ არის წარდგენილი დაჯილდოების სხვადასხვა ნომინაციაში.
Starring Georgia საქართველოს პრემიერ-მინისტრის მიერ ინიცირებული ორწლიანი კამპანიაა, რომელიც Black Sea Arena-ს გუნდთან ერთად ხორციელდება. კამპანიის ფარგლებში საქართველოს ისეთი არტისტები ეწვევიან, როგორებიც არიან Imagine Dragons, Nile Rodgers & Chic, Damian Lazarus და All Day I Dream. კონცერტები Black Sea Arena-ზე, შეკვეთილში, თბილისსა და სხვა ლოკაციებზე გაიმართება.
