ცნობილი Barbie World-ის ახალი ვერსია სულ მალე გამოვა. ნიკი მინაჟმა და Ice Spice-მა სიმღერის გამოშვების თარიღი დააანონსეს და ეს 23 ივნისია. ამის შესახებ ნიკი მინაჟმა სოციალურ ქსელში დაწერა. როგორც სიმღერის კრედიტებშია მითითებული, მასში მონაწილეობას Aqua-ც მიიღებს.
ნიკი მინაჟისა და Ice Spice-ის დუეტმა მანამდე Princess Diana გამოსცა, რომელიც ბილბორდის რეპ სიმღერების ჩარტში პირველ ადგილზე მოხვდა, „ცხელი ასეულის” ჩარტში კი – მეოთხეზე.
ფილმი „ბარბი”, რომლის რეჟისორიც გრეტა გერვიგია, კინოეკრანებზე 21 ივლისს გამოვა. ამ დღეს გამოვა ასევე ფილმის ვარსკვლავური საუნდტრეკიც.
ამ კვირაში მინაჟმა ასევე გაამხილა, რომ ხუთწლიანი პაუზის შემდეგ მისი პირველი ალბომი 20 ოქტომბერს გამოვა.
ნახეთ ნიკი მინაჟის პოსტი
#BarbieMovie #BarbieWorld 6.23.23 pic.twitter.com/PWR749SMpB
— Nicki Minaj (@NICKIMINAJ) June 11, 2023
