ლანა დელ რეის გამოსვლა, რომელიც გლასტონბერის ფესტივალის „ჰედლაინერი” იყო, დაგეგმილზე მალე დასრულდა, რადგან მომღერალმა საკუთარ კონცერტზე დააგვიანა. როგორც ფესტივალის პროგრამაში ეწერა, კონცერტი 22:30 საათზე უნდა დაწყებულიყო, თუმცა მომღერალი ნახევარი საათით გვიან მივიდა. ლანა დელ რეიმ დაგვიანება თავის თმას დააბრალა.
„ისე დავაგვიანე, რომ ძალიან უნდა ვიჩქარო,” – უთხრა სცენაზე ასულმა მომღერალმა მაყურებელს. „თუ ელექტროენერგიას გაგვითიშავენ, ძალიან დიდ ბოდიშს გიხდით, ჩემს თმას ძალიან დიდი დრო დასჭირდა. მოდი, მივყვეთ პროგრამას ისე, როგორც დაგეგმილი იყო.”
ლანა დელ რეის მიკროფონი 12 საათზე გაითიშა, როცა ის 2012 წლის კომპოზიციას Video Games-ს ასრულებდა. მომღერალი იძულებული გახდა, სიმღერა აკაპელაში გაეგრძელებინა.
ლანა დელ რეი ლაივ სცენაზე სამი წლის შემდეგ დაბრუნდა. ბოლოს ის ფესტივალზე რიო დე ჟანეიროში გამოვიდა, სადაც 20 სიმღერა შეასრულა. გლასტონბერიში კი 15-ის სიმღერა მოასწრო.
წელს მომღერალს კიდევ რამდენიმე ფესტივალში აქვს მონაწილეობა დაგეგმილი.
ნახეთ ლანა დელ რეის ბოდიშის ვიდეო
Lana Del Rey apologizing to fans for being late pic.twitter.com/WbITGRDC50
— jude (@jfloridakilos) June 24, 2023
Lana Del Rey was escorted off stage by security at Glastonbury Festival due to her set being cut off after showing up late. pic.twitter.com/JnE4Q2iufT
— Pop Base (@PopBase) June 25, 2023
