როგორც ჩანს, ჯენიფერ ლოპესის ახალი ალბომი ამ ზაფხულს გამოვა. 53 წლის მომღერალმა ინსტაგრამზე დაწერა, რომ ალბომი, რომელსაც ფანები ჯერ კიდევ ნოემბრიდან ელოდებიან, გამოსაცემად მზადაა.
ლოპესმა გარკვეული საკითხები მაინც ბუნდოვანი დატოვა. მან უბრალოდ თავისი შავ-თეთრი ფოტო გააზიარა, სადაც წარწერის This Is Me…Now წინ პოზირებს. Პოსტს კი დააწერა „ალბომის გამოცემის თარიღი”.
როგორც ლოპესმა მარტში დაადასტურა, მისი მეცხრე სტუდიური ალბომი ზაფხულის დასასრულს უნდა გამოვიდეს. ალბომი ერთგვარი გაგრძელებაა მომღერლის 2003 წლის ალბომისა სახელწოდებით This Is Me … Then, რომელიც მაშინ მის იმდროინდელ პარტნიორს ბენ აფლეკს ეძღვნებოდა. წყვილი პირველად 2002 წელს დაინიშნა, თუმცა 2004 წელს ერთმანეთს დაშორდნენ. 2022 წელს კი მათ ურთიერთობა ისევ განაახლეს. როგორც ლოპესი ამბობს, ახალი ალბომიც ბენ აფლეკითა და მათი მყარი ურთიერთობით არის შთაგონებული.
„მიზეზი, რის გამოც აქ ვართ, არის ის, რომ მინდა, ეს მომენტი დროში დავაფიქსირო, რადგან ეს კიდევ უკეთესია, ვიდრე პირველი. ამ ალბომით ჩვენ დავაფიქსირეთ ჩემი თავი დროის ამ მომენტში, როცა მე ჩემი ცხოვრების სიყვარულს ახლიდან დავუკავშირდი და ჩვენ გადავწყვიტეთ, რომ სამუდამოდ ერთად ვიქნებით. ალბომის მთელი მესიჯი არის, რომ ეს სიყვარული არსებობს. ეს ნამდვილი სიყვარულია.” – ამბობდა ლოპესი.
ნახეთ ჯენიფერ ლოპესის ინსტაგრამ პოსტი
