როგორც აღმოჩნდა, SZA-ს ლონდონთან საკმაოდ ცუდი გამოცდილება აკავშირებს. ამის შესახებ მან O2-ის არენაზე გამართულ კონცერტზე ისაუბრა.
„ეს არავისთვის მითქვამს, მაგრამ ამ ქალაქში ჩემმა ყოფილმა მეგობარმა ბიჭმა მიღალატა. ეს საშინელება იყო. ამიტომ აღარ მინდოდა აქ ჩამოსვლა, მაგრამ თქვენი წყალობით ბევრად უკეთ ვარ. მადლობა!” – უთხრა მომღერალმა მაყურებელს. „ეს სიმღერა კი ჩემი სხვა ნაგავი მეგობარი ბიჭის შესახებაა” – აღნიშნა მან სიმღერის Nobody Gets Me შესრულებამდე.
SZA-ს განსაკუთრებულად წარმატებული წელი ჰქონდა. მისი ალბომი S.O.S გამოცემისთანავე მოხვდა ბილბორდის 200 ალბომის ჩარტის პირველ ადგილზე. ამის შემდეგ მომღერალი ალბომის საერთაშორისო ტურნეში წავიდა. Billboard-ის მონაცემების მიხედვით, ჩრდილოეთ ამერიკის ტურნეში SZA-მ 34.5 მილიონი დოლარი გამოიმუშავა და 238000 ბილეთი გაყიდა.
