გრემის მფლობელი ალბომის We Are-ის გამოშვებიდან 2 წლის შემდეგ ჯონ ბატისტი ახალი ალბომის გამოსაცემად ემზადება. სტუდიური ალბომი სახელწოდებით World Music Radio 18 აგვისტოს გამოვა და მასში მონაწილეობას ლანა დელ რეი, ლილ უეინი, კენი ჯი და სხვა არტისტები მიიღებენ. მუსიკოსმა ალბომი სოციალურ ქსელში დააანონსა.
ბატისტმა ასევე ატვირთა ვიდეო ალბომის მთავარ სინგლზე Calling Your Name. „ეს ალბომი შევქმენი ცხოვრებაში გათავისუფლებისა და ჩემი პიროვნებისა და ჩემ გარშემო სამყაროს აღმოჩენის შეგრძნებებით. მსგავსი რამ აქამდე არასდროს მიგრძნია.”
პრესრელიზის თანახმად, ბატისტის მიზანი ამ ალბომში იმ იდეის აღმოჩენა იყო, რომ ყველა მუსიკა მსოფლიო მუსიკაა. მან შექმნა საერთაშორისო, კულტურათაშორისი საზოგადოება სხვადასხვა რეგიონიდან მთელი მსოფლიოს გარშემო.
ორი წლის წინ ჯონ ბატისტმა ისტორია დაწერა და გახდა პირველი შავკანიანი არტისტი, რომელმაც წლის ალბომისთვის გრემი მოიგო.
ბატისტი ორჯერ მოხვდა ბილბორდის 200 ალბომის ჩარტში – 2014 წლის Social Music-ით 134-ე ადგილზე და 2021 წლის We Are-ით 25-ე ადგილზე.
