ბრიტნი სპირსის მემუარები, რომელსაც აუდიტორია დიდხანს ელოდა, დაიბეჭდა. 11 ივლისს გამომცემლობამ, სახელწოდებით Simon & Schuster imprint Gallery Books ავტობიოგრაფიული წიგნის გამოცემის თარიღი დაასახელა. The Woman in Me – ასე ჰქვია მემუარებს და მკითხველს მისი შეძენა 2023 წლის 24 ოქტომბრიდან შეეძლება.
სიახლე პირველად ჟურნალმა People -მა გაავრცელა. სტატია წიგნს აღწერს, როგორც „გაბედულ და შთამბეჭდავ ისტორიას თავისუფლების, პოპულარობის, დედობის, გადარჩენის, რწმენისა და იმედის შესახებ“. გასაჯაროვდა წიგნის ყდაც – შავ-თეთრ ფოტოზე თავად ბრიტნი სპირსია აღბეჭდილი.
Simon & Schuster imprint Gallery Books-ის ვიცე პრეზიდენტმა ჯენიფერ ბერგსტრომმა და აღმასრულებელმა რედაქტორმა ლორენ შპიგელმა ასევე დადეს შეთანხმება, რომლის მიხედვითაც მათ აუდიო წიგნის გამოცემის უფლებაც შეიძინეს. ამჟამად უკვე გაყიდულია წიგნის თარგმნის ლიცენზიაც – ბრიტნი სპირსის მემუარები ითარგმნება ბრაზილიაში, ბულგარეთში, დანიაში, ფინეთში, საფრანგეთში, გერმანიაში, უნგრეთში, იტალიაში, ნორვეგიაში, პოლონეთში, რუმინეთში, პორტუგალიაში, ესპანეთსა და შვედეთში გამომცემლობები.
The Woman in Me აღწერილია როგორც გულწრფელი და იუმორით გაჯერებული ლიტერატურული ნამუშევარი. როგორც მემუარების შესახებ ვკითხულობთ, ეს არის მნიშვნელოვანი წიგნი, რომელიც ეძღვნება მუსიკისა და სიყვარულის ძალას, ასევე ქალების მიერ საკუთარი ისტორიის თხრობის მნიშვნელობას.
სპირსმა მემუარების გამოცემა 2022 წლის აპრილში დააანონსა. როგორც მომღერალმა ინსტაგრამზე გამოქვეყნებულ პოსტში აღნიშნა, მემუარების წერის პროცესი თერაპიული ხასიათის იყო.
ბრიტნი სპირსის პოსტამდე ცოტა ხნით ადრე, 2022 წლის მართში ჟურნალმა People-მა სტატია გამოაქვეყნა, რომელშიც ავტორი იუწყებოდა, რომ მომღერალმა Simon & Schuster-ის გამომცემლობასთან 15 მილიონ დოლარიანი კონტრაქტი გააფორმა.
ნახეთ ბრიტნი სპირსის მემუარების ყდა:
