ავსტრალიის კონცერტის დროს ლიზომ ტეილორ სვიფტის მიმართ სიყვარული გამოხატა.
მაყურებელთან საუბრისას მომღერალმა დარბაზში წარწერა შენიშნა: „ტეილორ სვიფტს შენ გამჯობინე. შეიძლება ერთი ჩახუტება?” სანამ წარწერის ავტორს უპასუხებდა, ლიზომ ფანებს მადლობა გადაუხადა კონცერტზე დასწრებისთვის.
„დავიწყებ მადლობის თქმით ჩემს შოუზე მოსვლისთვის. ვიცი, რომ ყველა კონცერტის ბილეთები ძვირია და ჩემთვის ყველაფერს ნიშნავს, რომ აქ ხართ.” შემდეგ კი დაამატა: „ტეილორ სვიფტი შესანიშნავია. და არ არის აუცილებელი ჩვენ შორის არჩევანის გაკეთება, რადგან ტეილორის კონცერტის ბილეთებს მე მოგცემ! უბრალოდ ვხუმრობ.”
შემდეგ ლიზომ აუდიტორიას ჰკითხა, ტეილორ სვიფტსაც თუ ჰქონდა კონცერტი ავსტრალიაში. „ის უკვე იყო აქ? Როდის ჩამოდის? არ ჩამოდის? აბა ტეილორს როგორ მამჯობინე?” ბოლოს კი მომღერალმა ფანის წარწერაზე ავტოგრაფი დატოვა და თქვა: „მეც მიყვარს TayTay… აქ შეჯიბრი არ არის.”
ივნისში ლიზომ სვიფტის ფანებისგან ნეგატიური გამოხმაურება მიიღო მას შემდეგ, რაც ინსტაგრამ ლაივის დროს თქვა: „დღევანდელი დღის ყველაზე პოპულარული ადამიანიც კი ვერ შეედრება იმას, რასაც ბიონსე აკეთებს.”
სვიფტის ფანებმა მიიჩნიეს, რომ ლიზოს სიტყვები ტეილორ სვიფტს ეხებოდა, რომელიც ახალი ალბომით ბილბორდის ჩარტებს იპყრობს, ტურნეთი კი რეკორდებს ხსნის.
ნახეთ ლიზოს რეაქცია ფანის წარწერაზე
📹 | A fan at a Lizzo concert held up a sign saying “I chose you over Taylor” and Lizzo responded to it on stage
— Taylor Swift News (@TSwiftNZ) July 14, 2023
— “I heart TayTay too, there’s no competition here”
pic.twitter.com/k0YMkoqhFx
