სამდღიანი ფესტივალი 14 ივლისს ზაარბრიუკენში დაიწყო და ჯგუფი On The Road – სწორედ გახსნის დღეს, ფართო აუდიტორიის და უცხოელი მსმენელის წინაშე წარდგა. ჯგუფის შემადგენლობაში ლადო გიგაია (ვოკალი/გიტარა), ავთანდილ ირემაშვილი (ვოკალი/გიტარა), გიგი კობერიძე (დრამი), თორნიკე ჯაფიაშვილი (კლავიში) და ბექა ჩხარტიშვილი (ბასი) არიან.
Rockweise დიდ მნიშვნელობას ანიჭებს ახალი არტისტების აღმოჩენას. წლევანდელი ფესტივალი ჟანრობრივად საინტერესო პროგრამით გამოირჩეოდა.
„ფესტივალს Rockweise ჰქვია და ყოველწლიურად ზაარბრიუკენში ტარდება. შარშან ჩვენი დრამერი უკრავდა Black Marrows-დან და წელს ჩვენც მიგვიწვიეს. ფესტივალი სამი დღის განმავლობაში მიმდინარეობდა და ჩვენ პირველ დღეს დავუკარით. სამომავლოდ თუ მოგვეცემა მსგავსი შესაძლებლობა ქვეყნის ფარგლებს გარეთ კონცერტებს აუცილებლად დავგეგმავთ.“ – ლადო გიგაია, ჯგუფ – On The Road-ის ვოკალისტი.
