მადონას შემოქმედების 40 წლის იუბილეს აღნიშვნა მისი ჯანმრთელობის მდგომარეობის გამო გადაიდო, თუმცა რამდენიმე დღის წინ მომღერალი ნიუ ჯერსიში გამართულ ბიონსეს კონცერტზე გამოჩნდა. ეს ჰოსპიტალიზაციის შემდეგ მისი ერთ-ერთი პირველი საჯარო გამოჩენა იყო.
ფანის მიერ დადებულ ფოტოში ჩანს 64 წლის ლეგენდა, რომელიც ბიონსეს შოუს უყურებს. როგორც ჩანს, ბიონსემაც შენიშნა კონცერტის განსაკუთრებული სტუმარი და Break My Soul-ის შესრულებისას პოპის დედოფალს სცენიდან მიმართა.
„დიდი მოკითხვა დედოფალს” – თქვა ბიონსემ სიმღერის დროს, რომლის რემიქსიც სახელწოდებით Queens Remix მადონამ და ბიონსემ შარშან ერთად ჩაწერეს. „დედა დედოფალო, მადონა, გვიყვარხარ,” – მიმართა პოპის დედოფალს ბიონსემ.
მადონას მენეჯერმა წინა თვეში განაცხადა, რომ მომღერალმა რამდენიმე დღე ინტენსიური თერაპიის ქვეშ გაატარა სერიოზული ბაქტერიული ინფექციის გამო. საავადმყოფოდან გამოწერიდან ერთ თვეში კი მადონამ წერილი გაავრცელა, სადაც შვილებსა და მეგობრებს მხარდაჭერისთვის მადლობას უხდის.
ნახეთ მადონას ფოტო ბიონსეს შოუზე და ბიონსეს მიმართვა
Madonna at #RenaissanceWorldTour last night! ❤️👑 pic.twitter.com/RRHDyaWtEa
— Beyoncé Press. 🪩 | Fan Account (@beyoncepress) July 31, 2023
Beyoncé gives Madonna who was in the audience, a shout out ❤️😍#Madonna #Beyonce pic.twitter.com/N3hvr9eYJB
— Matt #MadonnaAustralia (@GregvsMatt) July 31, 2023
