ზენდაია ანგუს კლაუდის გარდაცვალებას ინსტაგრამზე გამოეხმაურა. მან ემოციური პოსტი მიუძღვნა მეგობარს, რომელთან ერთადაც HBO-ს სერიალში Euphoria თამაშობდა.
„სიტყვები არ არის საკმარისი იმ უსასრულო სიკეთის აღსაწერად, როგორიც ანგუსი იყო. მადლობელი ვარ, რომ მის სიცოცხლეში მომეცა მისი გაცნობის შანსი – შესაძლებლობა იმისა, რომ მისთვის ძმა დამეძახებინა, მისი თბილი თვალები და ნათელი ღიმილი მენახა, მისი გადამდები სიცილი მომესმინა (ახლაც მეღიმება, რომ ვიხსენებ). ვიცი, რომ ამ გამოთქმას ხშირად იყენებენ საყვარელი ადამიანების მიმართ: „ის ანათებდა ყველა ოთახს, რომელშიც კი შევიდოდა”, მაგრამ მართლა გეუბნებით, ეს ყველაზე კარგად სწორედ მას გამოსდიოდა,” – წერს ზენდაია ინსტაგრამზე.
ზენდაიამ პოსტს კლაუდის შავ-თეთრი ფოტო დაურთო. „მინდა, ასეთად დამამახსოვრდეს. იმ უსაზღვრო სინათლის, სიყვარულისა და ბედნიერებისთვის, რომლის გაცემასაც ყოველთვის ახერხებდა ჩვენთვის. თითოეულ მომენტს გავუფრთხილდები.”
Ზენდაია და ანგუს კლაუდი ერთად Euphoria -ს პირველ ორ სეზონში თამაშობდნენ.
Ნახეთ ზენდაიას პოსტი
