ნუცი ნებიერიძემ სიმღერა City Sounds შოვის ტრაგედიას მიუძღვნა

მომღერალმა და კომპოზიტორმა სოციალურ ქსელში კომპოზიცია City Sounds-ის ცოცხალი ჩანაწერი გააზიარა, რომელსაც გორის ქალთა კამერულ გუნდთან და მოწვეულ ამერიკელ და ქართველ მუსიკოსებთან ერთად ასრულებს.

I Hear the sounds That wind blows out Time freezes Trouble is here And then, we disappear What do we give?/ (მესმის ხმები, რომლებიც ქარს მოაქვს, დრო იყინება, განსაცდელი აქ არის, შემდეგ ჩვენ ვქრებით, და რას გავცემთ?

– ვისმენთ სიმღერის ტექსტში, რომელიც შოვის ტრაგედიის შემდეგ გულგრილს არავის დატოვებს. ავტორმა სიმღერა რაჭის ტრაგედიას მიუძღვნა და საზოგადოებას გამოღვიძებისკენ, სიყვარულის გაცემისკენ და მშვიდობისკენ მოუწოდა.

ნუცი ნებიერიძე:

„City Sounds (ქალაქის ხმები) ერთ-ერთი ჩემი საყვარელი სიმღერაა, რომელიც ვერეს ხეობის ტრაგედიაზე დავწერე 2015 წელს. პირველად ნიუ იორკში შევასრულე ლეგენდარულ Birdland Jazz Club-ში ჩემს ბენდთან ერთად და შემდეგ, კიდევ ბევრ სხვადასხვა ვენიუებში, ამერიკაშიც და თბილისშიც. ასევე ჩავწერეთ ჩემს პირველ ალბომში, რომელიც გამოიცა 2018 წელს. ყოველთვის მინდოდა ამ სიმღერის საგუნდო ვერსიის შექმნა და წელს ეს მიზანი შევასრულე გორის ქალთა გუნდთან და მოწვეულ ამერიკელ და ქართველ მუსიკოსებთან ერთად. ალბომშიც ჩავწერეთ და ახლახან დავასრულე კონცერტის ჩანაწერის მიქსინგი. რაჭაში მომხდარი საშინელი ტრაგედიის გამო თავს ვიკავებდით ამ ჩანაწერის გამოშვებაზე, მაგრამ შემდეგ გადავწყვიტეთ მე და თეონამ, რომ სწორედ ამ ტრაგედიას უნდა მიეძღვნას ეს სიმღერა, რადგანაც City Sounds, მისი ტექსტით და კონცეფციით ასახავს თანაგრძნობას, თავდადებას, რწმენას, ერთგულებას და ადამიანებს მოუწოდებს გამოღვიძებისკენ, გაცემისკენ და სიყვარულისკენ. მთელი გულით ვიზიარებთ რაჭის ტკივილს და ვუთანავუგრძნობთ დაზარალებულებს.“

ნუცი ნებიერიძე – მუსიკოსი

მოისმინეთ სიმღრა City Sounds

Share
Tweet
Share
Share
Share

წინა სტატია

მაილი საირუსმა ახალი სინგლი Used to Be Young დააანონსა: „ეს სიმღერა ჩემს ერთგულ ფანებს ეძღვნება“

შემდეგი სტატია

ბრედლი კუპერი ახალი ფილმის Maestro-ს ტრეილერში

შეიძლება დაგაინტერესოთ

Aine Merme

Aine Merme-ს მუსიკალური საღამო

„ახალი EP სულ ოთხი სიმღერისგან შედგება რომელიც მუსიკის ჩემეულ აღქმას ასახვას და ინსტრუმენტული მუსიკის შესაძლებლობებს სხვადასხვა ეპოქის ჟანრების მიჯნაზე იკვლევს.“
მეტი
Nanka Gvari - 202

ნანკა გვარის ახალი სიმღერა  – 202

„ყოველთვის მინდოდა ჩემს სიმღერაში გამომეყენებინა ქართული ინსტრუმენტი ან ქართულ ნარატივზე ყოფილიყო. ჩემი აზრით ეს ამ სიმღერით მოვახერხე.“
მეტი