ბრედლი კუპერი მუსიკოს ლეონარდ ბერნსტაინზე გადაღებული ახალი ბიოგრაფიული ფილმის რეჟისორი, სცენარისტი და მთავარი როლის შემსრულებელია. ფილმი Maestro ამერიკელი დირიჟორის და საკულტო მუსიკოსის ლეონარდ ბერსტაინის ბიოგრაფიას მოგვითხრობს, რომელიც ბერნსტაინის და მისი მეუღლის ფელისია მონტილეგროს ურთიერთობას ასახავს. ბრედლი კუპერს მთავარ როლზე პარტნიორობას კერი მალიგანი გაუწევს.
თრეილერს გამოსვლის შემდეგ საზოგადოებაში კრიტიკა მოჰყვა. მსახიობ ბრედლი კუპერს გამოკვეთილი გრიმის გამო ებრაელების სტერეოტიპულად წარმოჩენაში ადანაშაულებენ. საქმე ისაა, რომ ბრედლი კუპერი ფილმში ცხვირის პროთეზით გამოჩნდა.
„ყველაზე გიჟური მხარე ის არის, რომ ნამდვილი ბრედლი კუპერი ბევრად უფრო მეტად ჰგავს ისტორიულ პირს ლეონარდ ბერნსტაინს, ვიდრე ფილმში შექმნილი პერსონაჟი.“- წერს ტვიტერზე მომხმარებელი.
„საქმე ის კი არ არის, რომ მსახიობი ლეონარდ ბერნსტაინს დაამსგავსონ, აქ იმაზეა გამახვილებული ყურადღება, რომ არა ებრაელი მსახიობი ებრაულ სტერეოტიპს მიამსგავსონ.“ – სოციალურ მედიაში სხვა მომხმარებელი წერს.
კრიტიკას ბერნსტაინის შვილები გამოეხმაურნენ და აღნიშნეს, რომ ბრედლი კუპერის შესრულებულ როლთან დაკავშირებით მათ პრობლემა არ აქვთ. ოჯახის თქმით, ცხვირის პროთეზის გამოყენებაზე სავარაუდოდ არც ლეონარდს ექნებოდა პრობლემა.
„გული გვწყდება, როცა ვხედავთ, რა გაუგებრობა გამოიწვია ამ ფაქტმა. ბრედლიმ გრიმი გაიკეთა, მას უფრო რომ დამსგავსებოდა. დარწმუნებული ვართ, ამის წინააღმდეგი მამაც არ იქნებოდა. გვეჩვენება, რომ ამ საკითხთან დაკავშირებით ნებისმიერი მწვავე კრიტიკა წარმატებული ადამიანის დასაზიანებლად გადადგმული ნაბიჯია, რასაც მამაჩვენის შემთხვევაში არაერთხელ შევხვედრივართ.“ – წერენ ბერნსტაინის შვილები ინსტაგრამზე.
ფილმი Maestro, Netflix-ზე 20 დეკემბრიდან გამოვა, შერჩეულ კინოთეატრებში კი მისი ხილვა 22 ნოემბრიდან იქნება შესაძლებელი. ფილმის პრემიერა 2 ოქტომბერს ნიუ-იორკის კინოფესტივალზე, ნიუ-იორკის ფილარმონიაში, დევიდ გეფენის ჰოლში შედგება, რომელსაც თავად ბერნსტაინი წლების განმავლობაში ხელმძღვანელობდა.
ნახეთ ფილმ Maestro-ს შესახებ ბერნსტაინის ოჯახის განცხადება და სოციალურ ქსელში გავრცელებული პოსტები:
Left: Bradley Cooper with his prosthetic nose, playing Leonard Bernstein.
— Joel S. (@jh_swanson) August 15, 2023
Right: The actual Leonard Bernstein.
This isn't about making a non-Jewish actor look more like Leonard Bernstein; it's about making a non-Jewish actor look more like a Jewish stereotype. https://t.co/WrYWuweosW pic.twitter.com/WxspPtHktj
*insanely* funny bit for Bradley Cooper to pour his soul for years into a passion project, creating what may well be a masterpiece, every element crafted to perfection, a sure bet to sweep the Oscars….. if only he'd not worn the comically offensive fake giant Jew nose
— doc noir (@docnoir_) August 16, 2023
a lot of people are blaming bradley cooper for the nose thing in maestro, but i dont think that's fair. a creative decision like that has to come from higher up – certainly not from the actors. now let me just take a big sip of coffee and look up who directed the movie
— zach silberberg supports the WGA (@zachsilberberg) August 16, 2023
