19 აგვისტოს გია ყანჩელის სახელობის თბილისის ახალგაზრდული ორკესტრი ბერლინის კონცერტჰაუსის სცენაზე ფესტივალ Young Euro Classic-ის ფარგლებში წარდგება. კონცერტზე გერმანულ სიმფონიურ მუსიკასთან ერთად შესრულდება გია ყანჩელის, კორძისა და მიკა მდინარაძის ნაწარმოებები. ორკესტრს მისი სამხატვრო ხელმძღვანელი მირიან ხუხუნაიშვილი უდირიჟორებს. კონცერტზე ასევე დაუკრავს ვენიავსკის საერთაშორისო კონკურსის პირველი პრემიის ლაურეატი მევიოლინე ვერიკო ჭუმბურიძე.
Young Euro Classic მსოფლიოს მასშტაბით ერთ-ერთი ყველაზე მნიშვნელოვანი ფესტივალია, რომელიც 2000 წელს დაარსდა და ყოველწლიურად სხვადასხვა ქვეყნის გამორჩეულ ახალგაზრდულ ორკესტრებსა და შემსრულებლებს მასპინძლობს. ფესტივალი ევროპის ერთ-ერთ ყველაზე პრესტიჟულ საკონცერტო სივრცეში, ბერლინის კონცერტაუსში იმართება და ყოველწლიურად მას 25000 მსმენელი სტუმრობს. წელს ფესტივალის სცენაზე თბილისის ახალგაზრდული ორკესტრის დებიუტი შედგება.
ნახეთ კადრები ორკესტრის რეპეტიციიდან, რომელიც Billboard საქართველოს მარიამ ყარალაშვილმა მიაწოდა.
