20 წლის ასაკში, ოლივია როდრიგო ყველაზე ახალგაზრდა არტისტი გახდა, რომელმაც BRIT Billion Award მიიღო. ეს ჯილდო გადაეცემათ იმ არტისტებს, რომლებიც გაერთიანებული სამეფოს მასშტაბით მილიონ სტრიმს გადააჭარბებენ. მონაცემებს ჩარტების მთვლელი ოფიციალური კომპანია Official Charts Company ადგენს.
რამდენიმე დღის წინ როდრიგომ თავისი უახლესი სინგლი Bad Idea Right? და მასზე გადაღებული მუსიკალური ვიდეო გამოუშვა. 8 სექტემბერს კი მომღერალი მეორე სტუდიურ ალბომს სახელწოდებით GUTS გამოსცემს.
2022 წლის თებერვალში ოლივია როდრიგომ BRIT Awards-ზე საუკეთესო საერთაშორისო სიმღერის ნომინაციაში გაიმარჯვა. მას ჯილდო გადაეცა ტრეკისათვის Good 4 U. როდრიგო ასევე წარდგენილი იყო საუკეთესო საერთაშორისო არტისტის ნომინაციაშიც, თუმცა ამ კატეგორიაში ბილი აილიშმა გაიმარჯვა.
ოლივია როდრიგო მე-19 არტისტია, რომელმაც BRIT Billion Award დაიმსახურა. BRIT Billion Award-ის მფლობელები სხვადასხვა დროს გახდნენ ისეთი ცნობილი სოლო შემსრულებლები, დუოები და მუსიკალური კოლექტივები, როგორებიც არიან: ABBA, Coldplay, მერაია ქერი და უიტნი ჰიუსტონი; რეპერი J Tracey და Headie One; ენ-მერი, ელი გოლდინგი, ჯორჯ ეზრა, ლუისი კაპალდი, RAYE, რიტა ორა და სემ სმითი.
BRIT Billion Award ასევე მიიღეს ლანა დელ რეიმ, ჯეიმს ართურმა, Queen-მა, Wizkid-მა და ბეკი ჰილმა.
