Doja Cat-მა სოციალურ მედიაში 300,000-მდე გამომწერი დაკარგა. მიზეზი ვარსკვლავის ფანებთან დაპირისპირება იყო.
გამომწერების დაკარგვას მალე მომღერალი თავადვე გამოეხმაურა და აღნიშნა, რომ ეს ფაქტი მხოლოდ დადებითი შედეგის მომტანია. „ახლა შემიძლია დაკავშირებული ვიყო იმ ადამიანებთან, ვინც ჩემთვის მართლა მნიშვნელოვანია, ვუყვარვარ ისეთი, როგორიც ახლა ვარ და არა ისეთი, როგორიც ადრე ვიყავი.“ – აღნიშნავს Doja Cat ინსტაგრამზე გამოქვეყნებულ ისტორიაში.
როგორც CNN იუწყება, ვარსკვლავმა გააკრიტიკა ფანები, რომლებიც სოციალურ მედიაში საკუთარ თავს Kittenz-ს უწოდებდნენ. მომღერალმა ეს სახელი ალკოჰოლისადმი მიდრეკილი მოზარდების აღმნიშვნელ ტერმინთან გააიგივა. Doja Cat-ის თქმით, მისი ფანები ასეთ სახელებს არ უნდა ირჩევდნენ. „თუ თქვენ საკუთარ თავს Kitten-ს, ან Kittenz-ს უწოდებთ, Ეს იმას ნიშნავს, რომ საჭიროა მობილურებს მოსწყდეთ, სამსახური იშოვოთ და მშობლებს სახლის საქმეებში დაეხმაროთ.“ – მიმართა თაყვანისმცემლებს Doja Cat-მა.
ახლახან მედიაში ვარსკვლავის შესახებ კიდევ ერთი სიახლე გავრცელდა. Doja საცვლების ცნობილი ბრენდის Victoria’s Secret-ის ხმაურიანად დაანონსებული პროექტის – The Victoria’s Secret World Tour-ის ჰედლაინერი იქნება.
