ლედი გაგას ჰიტი Born This Way ის სიმღერაა, რომელიც LGBTQ-ის თემის უფლებების მხარდამჭერ კომპოზიციად მიიჩნევა. ახლახან, Las Vegas-ში გამართულ საღამოზე პოპ ვარსკვლავმა 2011 წლის ეს სიმღერა ქვიარ ადამიანებს მიუძღვნა და საზოგადოებას კიდევ ერთხელ შეახსენა, რომ ის თემის მხარდამჭერია.
საღამოს მსვლელობისას გაგა პიანინოსთან დაჯდა და Born This Way-ის აკუსტიკური ჯაზ ვერსია შეასრულა. სიმღერის შესრულებამდე მომღერალმა აუდიტორიას მიმართა „რაღაც მინდა ვთქვა ამ ქვეყანაში ტრანსგენდერთა უფლებრივი მდგომარეობის შესახებ“ – თქვა ლედი გაგამ. „თუ რაიმე გაქვთ სათქმელი, უნდა ისაუბროთ. არაფერია არასწორი იმაში, რომ გიყვარდეთ თქვენი თავი ისეთი, როგორიც ხართ, რადგან ამან სრულყოფილად გაქციათ… მე ჩემებურად ლამაზი ვარ, ღმერთი შეცდომებს არ უშვებს. ხანდახან ადამიანები ამბობენ, რომ არ იციან ამაზე რა თქვან. არაფერი თქვათ, უბრალოდ უსმინეთ რეალური ადამიანების ისტორიებს“- მიმართა მსმენელებს ლედი გაგამ.
Born This Way ლედი გაგას ბლოკბასტერ ნამუშევრად აღიარებული ამავე სახელწოდებით ალბომის წამყვანი სინგლია. ტრეკი Billboard-ის Hot 100-ის ჩარტებში წამყვან პოზიციას ექვსი კვირის განმავლობაში იკავებდა. სიმღერის ტექსტი LGBTQ თემისადმი მხარდაჭერას ღიად გამოხატავს.
ნახეთ ლედი გაგას გამოსვლა, რომლის დროსაც პოპ ვარსკვლავმა Born This Way ტრანსგენდერთა უფლებებს მიუძღვნა:
lady gaga said TRANS RIGHTS🏳️⚧️ pic.twitter.com/L80yfavqRy
— steven (@stevenartpop) September 1, 2023
