ბილი აილიში, შერილ ქროუ და პიტერ გაბრიელი იმ მრავალ მუსიკოსთა შორის არიან, რომლებიც იარაღით ძალადობის წინააღმდეგ გამოვიდნენ და შეუერთდნენ კოალიციას სახელწოდებით „ხელოვანები იარაღით ძალადობის პრევენციისთვის“.
იმ მისიით, რომ დაასრულონ იარაღით ჩადენილი ტერაქტების ეპიდემია აშშ-ში , კოალიცია ოფიციალურ სტარტს 22 სექტემბერს აიღებს. მისი მიზანი იქნება ცნობადობის გაზრდა არა მხოლოდ ხელოვანთა გაერთიანების, არამედ ორგანიზაციია Sandy Hook Promise-სთვისაც, რომელიც 2012 წლის სენდი ჰუკის სკოლაში მომხდარი ტერორისტული აქტის მსხვერპლთა ოჯახებმა შექმნეს.
კოალიციის საქმიანობა მოიცავს მოხალისეობრივ სამუშაოს, დონაციებს, ასევე სხვადასხვა ლაივ ღონისძიებას. პირველ ღონისძიებაზე, რომელიც ნიუ-იორკში გაიმართება, სპეციალურ სტუმრებთან ერთად ჯგუფი Bush დაუკრავს.
ხელოვანთა გაერთიანების წევრები არიან ასევე ნილ როჯერსი, ბუტსი კოლინზი, სოფი ტაკერი და სხვები. მათი ლიდერი მუსიკოსი მარკ ბარდენია, რომლის 26 წლის ვაჟი დანიელი სენდი ჰუკის სკოლის ტერაქტის ერთ-ერთი მსხვერპლია.
„მას შემდეგ, რაც ჩემი ვაჟი დანიელი სენდი ჰუკის სკოლაში მოკლეს, მე გიტარისტის კარიერა გადავდე, რომ თავი იარაღით ძალადობის წინააღმდეგ ბრძოლისთვის მიმეძღვნა,” – ამბობს ბარდენი განცხადებაში. „გთხოვთ შემომიერთდით მე და ასობით ხელოვანს, მუსიკოსს, მსახიობს, სპორტსმენსა და თქვენნაირ ადამიანებს, რომ საბოლოოდ დავასრულოთ ეს ძალადობა.”
„როგორც ხელოვანთა კოალიცია, ჩვენ უნდა გავერთიანდეთ, რომ საბაზისო ცვლილებები მოვახდინოთ,” – დაამატა ბილი აილიშმა.
იარაღით ძალადობის ოფიციალური არქივის მიხედვით, აშშ-ში 2023 წელს 448 მასობრივი სროლა მოხდა, რასაც ჯამში 29520 ადამიანი ემსხვერპლა.
