დრეიკი საკონცერტო ტურნეს ფარგლებში მუსიკალურ შოუებს მართავს. ახლახან არტისტმა იმ ბიუსტჰალტერების კოლექცია გააზიარა, რომლებიც კონცერტის მსვლელობისას აუდიტორიიდან სცენაზე ისროლეს. დრეიკმა მათი ამსახველი ფოტო ინსტაგრამზე ატვირთა.
ფოტოზე სხვადასხვა ფერის, ზომის და მოდელის ბიუსტჰალტერი ჩანს. ამავდროულად დრეიკმა ინსტაგრამის ისტორიაში გააზიარა კადრი, რომელშიც მისი გუნდის წევრები ბიუსტჰალტერებით სავსე ყუთს ცლიან.
ცოტა ხნის წინ ჰიპ ჰოპ არტისტმა ლას ვეგასში გამართული კონცერტის მსვლელობისას, ერთ-ერთ ფანს სიურპრიზი გაუკეთა. დრეიკმა მსმენელს 50 ათასი დოლარი აჩუქა მას შემდეგ, რაც გაიგო, რომ მან ავეჯისათვის განკუთვნილი დანაზოგი კონცერტზე დასწრებისათვის დახარჯა. დრეიკმა სცენიდან თავის მენეჯერსაც მიმართა და დაავალა, რომ გულშემატკივარს ეს თანხა იმავე საღამოს მიეღო.
ლას ვეგასში გამართულ კონცერტამდე დრეიკმა საჩუქარი სხვა ფანებსაც გაუკეთა. ლოს ანჯელესის შოუებზე ერთ-ერთ მსმენელს ძვირადღირებული Birkin-ის ჩანთა აჩუქა, ხოლო მეორეს – Chanel-ის.
ნახეთ პოსტი, რომელშიც დრეიკმა ფანების მიერ სცენაზე ნასროლი ბიუსტჰალტერების კოლექცია გააზიარა:
