SZA-მ ბრუკლინში გამართულ შოუზე SOS-ის დელუქს ვერსიის გამოცემა დააანონსა

Billboard 200-ის ჩარტებში SOS ათი კვირის განმავლობაში ლიდერობდა.

SZA-მ მსმენელებს თავისი ალბომის SOS-ის დაანონსებული ე.წ დელუქს ვერსიის დეტალებო გაუზიარა. ნიუ იორკში გამართულ საღამოზე 33 წლის გრემის მფლობელმა  არტისტმა განაცხადა, რომ თავისი წარმატებული ალბომის დელუქს ვერსიის გამოცემას გეგმავს, რომელშიც 10-მდე ახალი ტრეკი შევა. 

„ეს დელუქსი ახალი ალბომის მსგავსია და მისი სახელია Lana.“ -აღნიშნა SZA-მ. მუსიკოსის თქმით, ალბომი სექტემბერში გამოიცემა. მუსიკალური ნამუშევრის დაანონსების მომენტი ერთ-ერთმა ფანმა გადაიღო და ვიდეო ინტერნეტში გაავრცელა. 

რაც შეეხება მუსიკალურ საღამოს, SZA აუდიტორიის წინაშე ბრუკლინის ერთ-ერთ დაწესებულებაში  წარდგა. ეს არტისტის ექსკლუზიური შოუ იყო, რომლის მიმდინარეობისასაც მუსიკოსმა ფანების საყვარელი ჰიტებთან ერთად, გამოუქვეყნებელი ტრეკებიც შეასრულა. როგორც გამოცემა People იუწყება, ღონისძიებაზე მოულოდნელი სტუმარი – Ice Spice-ც გამოჩნდა.

SOS 2022 წლის დეკემბერში გამოიცა. გამოსვლიდან მალევე მან Billboard 200-ის ჩარტებში პირველი ადგილი დაიკავა. Billboard 200-ის ჩარტებში SOS ათი კვირის განმავლობაში ლიდერობდა. სადებიუტო კვირაში ალბომს შეერთებული შტატების მასშტაბით 400 მილიონი სტრიმი ჰქონდა. 

ალბომის გამოცემას საკონცერტო ტურნე მოჰყვა. Billboard Boxscore-ის ინფორმაციით, ტურნეს ფარგლებში გაყიდული ბილეთების რაოდენობამ 238 ათასს მიაღწია, ხოლო მიღებულმა შემოსავალმა – 34.5 მილიონ დოლარს.

აგვისტოში SZA -მ მუსიკალური ვიდეო გააზიარა, რომელიც გადაღებულია კომპოზიციაზე Snooze. კლიპში არაერთი ცნობილი ვარსკვლავი მონაწილეობს, მათ შორის ჯასტინ ბიბერი და ბენი ბლანკო. 

Share
Tweet
Share
Share
Share

წინა სტატია

წინანდლის ფესტივალის მეხუთე საიუბილეო სეზონის დასკვნითი დღე და საზეიმო დახურვა

შემდეგი სტატია

Zaza – ქართველი არტისტის, ზაზა თევთიძის მუსიკალური პროექტი

შეიძლება დაგაინტერესოთ

Aine Merme

Aine Merme-ს მუსიკალური საღამო

„ახალი EP სულ ოთხი სიმღერისგან შედგება რომელიც მუსიკის ჩემეულ აღქმას ასახვას და ინსტრუმენტული მუსიკის შესაძლებლობებს სხვადასხვა ეპოქის ჟანრების მიჯნაზე იკვლევს.“
მეტი
Nanka Gvari - 202

ნანკა გვარის ახალი სიმღერა  – 202

„ყოველთვის მინდოდა ჩემს სიმღერაში გამომეყენებინა ქართული ინსტრუმენტი ან ქართულ ნარატივზე ყოფილიყო. ჩემი აზრით ეს ამ სიმღერით მოვახერხე.“
მეტი