ბოლო თორმეტი წლის განმავლობაში ეს Blink-182 პირველი სტუდიური ალბომია. ჯგუფი კვლავ აგრძელებს მოღვაწეობას და 21 სექტემბერს ერთის მაგივრად ორი ახალი სინგლი გამოუშვეს.
ტრიომ ახალი მუსიკალური ვიდეოც გამოაქვეყნა One More Time, რომელიც Blink 182-ს ალბომის სათაურიცაა. კლიპში ჯგუფის სამივე წევრი სიმღერას ერთ ოთახში ასრულებენ. სადაც ფონად ბენდის ცნობილი მუსიკალური კლიპების ეპიზოდები ჩანს.
ტომ დელონჯი და მარკ ჰოპისი რიგრიგობით მღერიან. ტექსტში ბენდის გულწრფელი გზავნილები ისმის. ისინი მღერიან იმ მომენტებზე, რა დროსაც ერთმანეთის მხარდაჭერა მნიშვნელოვანი იყო, თუმცა ბენდი ერთად ბარკერის ავიაკატასტროფამ და ჰოპისის სიმსივნის დიაგნოზმა შეკრიბა.
Blink-182-ს მეორე ახალი სიმღერა More Than You Know ასევე სენსიტიურ თემებს ეხება, თუმცა ენერგია და გიტარის რითმები აქ უფრო მკვეთრად იგრძნობა. ტრეკი ლირიკული ვიდეოთი ამავე დღეს გამოვიდა.
ორივე სიმღერა Blink-182-ს ახალი სტუდიური ალბომიდან One More Time არის, რომელიც 20 ოქტომბერს გამოვა.
ნახეთ ახალი სინგლი და ვიდეო კლიპი One More Time და სიმღერა More than You Know
