მუსიკოსი ლიზი გოზალიშვილი გერმანულ Voice-ში

12 ოქტომბერს ლიზი გოზალიშვილი გერმანულ Voice-ში ჟიურის წინაშე წარდგება.
ProSieben/SAT.1/ André Kowalski
ProSieben/SAT.1/ André Kowalski

ქართველი მუსიკოსი ლიზი გოზალიშვილი გერმანიაში ცხოვრობს და სწავლობს, მისი დიდი სურვილი ყოველთვის იყო გერმანულ Voice-ში მოხვედრა. საქართველოში ლიზის არაერთ მუსიკალურ შოუში მიუღია მონაწილეობა. იგი საავტორო მუსიკას წერს და მისი სიმღერები მელოდიური, სახასიათო ხმით და ჰარმონიული ჟღერადობით გამოირჩევა.

ლიზი გოზალიშვილი: 

„საქართველოში  რამდენიმე დღით არდადეგებზე ვიყავი, როცა სრულიად შემთხვევით გერმანული Voice-ის გვერდზე შევედი და ვნახე, რომ შემდეგი სეზონისთვის განაცხადების მიღება მიმდინარეობდა. გამომდინარე იქიდან, რომ სულ მინდოდა გერმანულ Voice-ში მონაწილეობა, თვალყურს ხშირად ვადევნებდი მათ გვერდს, მაშინვე ძალიან დიდი სურვილი გამიჩნდა განაცხადის შეტანის, თუმცა სიმართლე გითხრათ იმედები დიდად არ მქონდა. ვიცოდი, რომ ეს ყველაფერი ბერლინში ხდებოდა, იმ პერიოდში კი მე ჰაიდელბერგში ვცხოვრობდი. წარმოდგენა არ მქონდა როგორ უნდა შემესაბამებინა სწავლა და Voice ერთმანეთისთვის, თუმცა განაცხადი მაინც შევიტანე.”

წელს გერმანული Voice-ის მწვრთნელები  ახალი შემადგენლობით წარდგებიან  შოუში, ესენი არიან: შირინ დავიდი, რომელიც გერმანიაში ცნობილი რეპ მომღერალია, ირლანდიელი სიმღერების ავტორი და მომღერალი – რონან კიტინგი, გერმანული Voice-ის მწვრთნელებს შორის არიან ასევე ცნობილი გერმანული ჯგუფის Tokio Hotel-ის ორი წევრი: ძმები – ტომ და ბილ კაულიცები და ჯოვანი ზარელა –  გერმანელ-იტალიელი მომღერალი  და მუსიკალური შოუს წამყვანი. 

„როგორც წესი აპლიკანტები პროექტში ვიდეო ჩანაწერს აგზავნიან და მეც ჩემი ვიდეო გავაგზავნე. მაინტერესებდა რა გამოვიდოდა ამ ყველაფრისგან დამირეკავდნენ თუ არ დამირეკავდნენ, რაღაცნაირად ბედს მივენდე. დადებითი პასუხი როცა მივიღე, უცებ ჩემს ცხოვრებაში ყველაფერი ისე დალაგდა, რომ ვიფიქრე ეს შანსი ხელიდან არ უნდა გამეშვა. არსაიდან არაფერში ხელი აღარ შემეშალა, არც სწავლის მხრივ, არც სხვა რაიმე ფაქტორებს შეუშლია ხელი.

თვითონ გუნდი, რომელიც პროექტზე მუშაობს ყველა მონაწილეს ძალიან უწყობს ხელს. 

Voice-ის შესარჩევ ტურში მაიკლ ჯექსოსნის სიმღერა Earth Song ვიმღერე, რომელიც ძალიან მიყვარს, იმიტომ რომ თემატური და საკმაოდ აქტუალურია. ყოველთვის ძალიან დიდ ყურადღებას ვაქცევ ხოლმე სიმღერის მთავარ სათქმელს, თან ჩემთვის ემოციური სიმღერაა. ერთი სული მაქვს როდის მოისმენს ამ სიმღერას შოუს მაყურებელი რასაც მეც ველოდები, იმიტომ რომ სიმართლე გითხრათ არაფერი აღარ მახსოვს. 

ძალიან ბევრი ხალხი გავიცანი, ვინც გერმანიაში მუსიკით არის დაკავებული და ვფიქრობ ყველანაირად ღირდა ამ პროექტში მონაწილეობის მიღება. თუ როგორ განვითარდა შემდეგ მოვლენები და რა იქნება ამას უკვე მერე გაიგებთ.”

Share
Tweet
Share
Share
Share

წინა სტატია

გიორგი ერგემლიძის ახალი სიმღერა – Stolen Skies

შემდეგი სტატია

ჰამასის თავდასხმის სამიზნედ ქცეული მუსიკალური ფესტივალის მენეჯერი განვითარებულ ტრაგიკულ მოვლენებს იხსენებს

შეიძლება დაგაინტერესოთ

Starring Georgia-ს ფარგლებში Massive Attack-ის კონცერტი გაიმართება

პირველად საქართველოში მსმენელს შესაძლებლობა ექნება, მოუსმინოს ჯგუფის ისეთი კომპოზიციების განახლებულ ვერსიებს, როგორიც არის Teardrop, Unfinished Sympathy და Paradise Circus.
მეტი
არიელ დევისის ილუსტრაცია

„ხელოვნური ინტელექტი და მუსიკალური ინდუსტრია. მუზების შერკინება”

ავტორი: Სერგი გვარჯალაძე  Ჩვენ ვცხოვრობთ ეპოქაში, სადაც ტექნოლოგიები  ცხოვრების ყველა ასპექტზე მოახდენს გავლენას. მუსიკალური ინდუსტრია კი ერთ-ერთი სფეროა,…
მეტი

Billboard-ის მუსიკალურ ჩარტში პირველი ადგილის დაკავების შემდეგ, ჰოზიერი მსმენელებს მადლობას უხდის

სიმღერის Too Sweet პირველ ადგილზე მოხვედრა მუსიკოსისთვის სიმღერების ჩარტში პირველი ლიდერი პოზიციაა.
მეტი