დრეიკის შვილმა მუსიკის შექმნა დაიწყო. რეპერის 6 წლის ვაჟმა ედონისმა არტისტ სოფი ბრუსოსთან ერთად სადებიუტო სიმღერა გამოსცა, სახელწოდებით My Man Freestyle.
„დაბადების დღეს გილოცავ ჩემო ვაჟო… MY MAN FREESTYLE უკვე გამოვიდა,” – დაწერა დრეიკმა ინსტაგრამზე ედონისის დაბადების დღიდან რამდენიმე დღის შემდეგ და შვილის ვიდეოკლიპი გააზიარა.
Სიმღერის კრედიტებში კომპოზიციის ავტორად პროდიუსერ ლილ ესოსთან ერთად თავად ედონისია მითითებული. სიმღერაში 6 წლის რეპერი აღწერს დღეს, როცა მას კალათბურთის თამაში აქვს. ვიდეოკლიპის ერთ-ერთ სცენაში იგი თანაგუნდელების წინაშე სამოტივაციო სიტყვით გამოდის: „უფრო მეტი უნდა ვიშრომოთ. უკეთ ვისროლოთ. უკეთ უნდა ვითამაშოთ,” – ამბობს ედონისი აპლოდისმენტების ფონზე.
კლიპში რამდენჯერმე ჩანს თავად დრეიკიც, რომელიც ამ ეტაპზე Billboard-ის 200 ალბომის ჩარტის პირველ ადგილზეა.
ცოტა ხნის წინ ედონისმა მონაწილეობა მიიღო დრეიკის მუსიკალურ კლიპში 8AM in Charlotte, რომელიც სწორედ მამა-შვილის საუბრით იწყება. კლიპი ოქტომბრის დასაწყისში გამოვიდა. სექტემბერში კი დრეიკმა გაამხილა, რომ ალბომის For All the Dogs ყდას მისი შვილის მიერ დახატული წითელთვალებიანი ძაღლი გააფორმებდა.
ნახეთ ედონისის My Man Freestyle:
