კულტურის საერთაშორისო ფესტივალი Europalia წელს საქართველოს ეძღვნება

საქართველო, სტუმარი ქვეყნის სტატუსით ევროპული კულტურის ფესტივალში Europalia წელს პირველად მონაწილეობს

ევროპული კულტურის ფესტივალი Europalia ბელგიაში, 4 ოქტომბერს დაიწყო და ხუთი თვის განმავლობაში – 2024 წლის თებერვლის ჩათვლით ბელგიასა და მის მოსაზღვრე ქვეყნებში გაგრძელდება. ფესტივალი ყოველ ორ წელიწადში ერთხელ იმართება და კონკრეტულ ქვეყანას და მის კულტურას წარმოაჩენს. წლეს კი, ფესტივალის სტუმარი ქვეყნის სტატუსით საქართველო წარდგება.

2023 წლის 4 ოქტომბერს, ბელგიაში დაწყებული ფესტივალი დამთვალიერებლებს შესაძლებლობას აძლევს ქართული კულტურის მდიდარ და მრავალფეროვან კულტურულ მემკვიდრეობას გაეცნოს. 

ფესტივალი ქართული კულტურულ მემკვიდრეობას, ტრადიციულ და თანამედროვე ხელოვნებას წარმოაჩენს, სადაც ქართული კულტურის თითქმის ყველა სფეროა წარმოდგენილი. ეს იქნება გამორჩეული მრავალხმიანი ქართული მუსიკა, უნიკალური მხატვრობა,  საქართველოს შესახებ ნაკლებად ცნობილი ტრადიციები, კინო, თეატრი თუ ლიტერატურა, საერთო ჯამში კი, ეს ყოველივე ქართული კულტურის მრავალფეროვნებას და სიმდიდრეს გამოავლენს. 

ფესტივალზე თანამედროვე ქართველი არტისტების პერსონალურ გამოფენები, მულტიდისციპლინური პერფორმანსები, ტრადიციული, პროფესიული და თანამედროვე ელექტრონული მუსიკის კონცერტები, თეატრალურ წარმოდგენები, ლიტერატურულ შეხვედრები და ქართული კინოს რეტროსპექტივა იქნება ნაჩვენები.

დამსწრე საზოგადოება Europalia-ზე ეროვნული საგანძურის ორ მასშტაბურ და ისტორიული მნიშვნელობის გამოფენას დაესწრება. ქვეყნისათვის უპრეცედენტოდ მასშტაბურ გამოფენას „ავანგარდი საქართველოში 1900-1936“ და „საქართველო – შეხვედრების ადგილი“. პირველი გამოფენა „ავანგარდი საქართველოში 1900-1936“ ევროპაში პირველად იმართება და იგი 4 ოქტომბერს, ბრიუსელის ნატიფი ხელოვნების ცენტრში (BOZAR) გაიხსნა, რომელიც ოცდახუთი  მხატვრის სამასამდე ექსპონატს აერთიანებს. 

Europelia საქართველოს ფესტივალის ფარგლებში ლადო გუდიაშვილის, ელენე ახვლედიანის, გიგო გაბაშვილის, პეტრე ოცხელის, შალვა ქიქოძის, ნიკო ფიროსმანის, ირაკლი გამრეკელისა და ნუცა ღოღობერიძის ნამუშევრები ერთიანდება. ჯამში 60-ამდე ღონისძიება ბელგიაში, ჰოლანდიასა და საფრანგეთში ჩატარდება.

ფესტივალი საქართველოს კულტურის სპორტისა და ახალგაზრდობის სამინისტროსთან თანამშრომლობით არის ორგანიზებული და საქართველოს ევროპულ ფასეულობებთან დაახლოებას და ინტეგრირებას ისახავს მიზნად.

იხილეთ ფესტივალის სრული პროგრამა:

https://europalia.eu/en/europalia-georgia/europalia-georgia-programme
Share
Tweet
Share
Share
Share

წინა სტატია

Reverse – LOUDspeakers ახალ სიმღერას აზიარებს

შემდეგი სტატია

დრეიკის 6 წლის ვაჟმა სადებიუტო სიმღერა გამოსცა

შეიძლება დაგაინტერესოთ

„სილქ როუდ ჯგუფმა“ და ამერიკულმა კინოსტუდიამ, WonderHill Studios ერთობლივი კინოსაწარმო – WonderSilk Studios დააარსეს

WonderSilk Studios კინოწარმოებისა და კინოს დაფინანსების მიმართულებით იმუშავებს და ქართული კინოინდუსტრიისათვის დიდ პერსპექტივებს შექმნის.
მეტი

Tbilisi Mural Fest 2023

წელს ფესტივალს ქუთაისიც შეუერთდა და ჯამში 14 ახალი კედელი მოიხატა.
მეტი

სოხუმის თეატრი სტამბოლის საერთაშორისო თეატრალურ ფესტივალში მონაწილეობს

დასი ფესტივალზე სპექტაკლს „უეცრად გასულ ზაფხულს” წარადგენს, რომლის პრემიერაც სოხუმის თეატრში 6 ოქტომბერს შედგა.
მეტი

„საჩუქარი” 26-ე სეზონს ხსნის – ფესტივალის პროგრამა და დაარსების ისტორია

„თუკი შეიძლება, რომ ქვეყანაში ასეთი ფესტივალი ჩატარდეს, როგორიც არის „საჩუქარი”, ესე იგი, ეს ქვეყანა დაუბრუნდა ევროპის რუკას,” - Financial Times.
მეტი