Nini Iris „ვოისის” კიდევ ერთი რაუნდის გამარჯვებული გახდა. „ნოკაუტის” ტურში ქართველი მომღერალი თავისივე გუნდის 2 წევრის პირისპირ წარდგა. ამჯერად კონკურსანტები მენტორების წინაშე ცალ-ცალკე, მათივე არჩეული სიმღერებით წარდგნენ. ნინიმ Radiohead-ის Karma Police შეასრულა, რომლის დასრულებისას ჯონ ლეჯენდი, ნაილ ჰორანი და გვენ სტეფანი ქართველ მომღერალს ფეხზე წამოუდგნენ. მენტორმა ნაილ ჰორანმა კი თავისი გუნდის სამ წევრს შორის არჩევანი კვლავ ნინიზე შეაჩერა.
„ნოკაუტის გამარჯვებულად ნინი ავირჩიე, რადგან ის ზებუნებრივია. ის, რასაც იგი თავისი ხმით აკეთებს, არავის შეუძლია ამ კონკურსში. ზოგადად, ვფიქრობ, რომ ნინის მთლიანი კონკურსის მოგება შეუძლია,” – აღნიშნა ჰორანმა.
გამარჯვების შემდეგ სოციალურ ქსელში პოსტი თავად ნინიმაც დაწერა: „ძვირფასო მეგობრებო, „ნოკაუტის” ტური მოვიგე და ძალიან ამაყი ვარ. მაგრამ ამაყი არა იმით, რომ გავიმარჯვე, არამედ იმით, რომ ჩემი ერთ-ერთი საყვარელი სიმღერა შევასრულე! მადლობა მხარდაჭერისთვის! ძალიან მიყვარხართ!”
„ნოკაუტის” ტურის შემდეგ ნინი უკვე „პლეიოფში” წარდგება. ამ რაუნდში კონკურსანტები კვლავ თავისივე გუნდის წევრებს და კვლავ თავიანთი შერჩეული სიმღერებით დაუპირისპირდებიან. თუმცა ამ შემთხვევაში ისინი სცენაზე, ბრმა მოსმენის შემდეგ პირველად, მარტო გამოვლენ. „პლეიოფში” თითოეული მენტორი თავისი გუნდიდან სამ კონკურსანტს აირჩევს. ჯამში 12 კონკურსანტი კი უკვე ლაივ ტურებში გადავა, სადაც მათ ბედს უკვე მაყურებელი გადაწყვეტს.”
ნახეთ Nini Iris-ის გამოსვლა „ნოკაუტის” ტურში:
