Nini Iris „ვოისის” 12 ფინალისტს შორისაა

„ყველას გვინდა, რომ ჩვენს გუნდში იყო,” – უთხრა ქართველ მომღერალს ჯონ ლეჯენდმა.

Nini Iris „ვოისის” კიდევ ერთი ეტაპის გამარჯვებულია. ქართველმა მომღერალმა „პლეიოფის” რაუნდიც წარმატებით გადალახა და იმ 12 კონკურსანტს შორის მოხვდა, რომლებიც უკვე ლაივტურებში მიიღებენ მონაწილეობას. 

ნინი გუშინდელი ეპიზოდის პირველი გამომსვლელი იყო და Bishop Briggs-ის ჰიტი River შეასრულა. სიმღერის დასრულებისას ჯონ ლეჯენდი, გვენ სტეფანი და ნაილ ჰორანი, ტრადიციულად, ფეხზე წამოდგნენ.

ქართველი კონკურსანტის შეფასება გვენ სტეფანიმ დაიწყო: „ვაუ! შენი ხმით ყველაფრის გაკეთება შეგიძლია. მაგრამ ამავდროულად ძალიან გემოვნებიანი ხარ. არასდროს აკეთებ გადაჭარბებულად. ძალიან ნიჭიერი ხარ. ისეთი ინტუიცია გაქვს საკუთარი თავის და ეს ზუსტად ის არის, რაც ჩვენ გვინდა.”

ჯონ ლეჯენდმა კი აღნიშნა: „ყოველ კვირას გვაჩვენებ, რომ ნამდვილი ვარსკვლავი ხარ. გულწრფელად გაოცებული ვარ შენით. ყველას გვინდა, რომ ჩვენს გუნდში იყო.”

საბოლოოდ ნინი მისმა მწვრთნელმა ნაილ ჰორანმა შეაფასა: „ყოველი შენი აქ გამოსვლა უფრო და უფრო უკეთესია. ნოტები, რომლებსაც შენ იღებ, უფრო და უფრო ძლიერი ხდება და ესაა, რაც ამ ინდუსტრიაში გვაკლია. ბევრი მაგალითი არ გვაქვს იმ მუსიკოსებისა, რომლებსაც ასეთი კონტროლი აქვთ საკუთარ თავზე და ასეთი უნიკალურობა, როგორიც შენ. მუდმივად გაოცებული ვრჩები შენით.”

„პლეიოფის” ტურში თითოეულ მწვრთნელს თავისი გუნდის 6 წევრიდან 3 მათგანი უნდა აერჩია, რომლებიც მაყურებლის წინაშე ლაივტურებში წარდგებიან. ნაილ ჰორანმა თავის ფინალურ სამეულში სწორედ ნინი დაასახელა. პირველი ლაივტური 4 დეკემბერს შედგება, სადაც უკვე მაყურებელთა ხმები გადაწყვეტს, თუ ვინ გადავა ნახევარ-ფინალში. 

ნახეთ Nini Iris-ის გამოსვლა:

Share
Tweet
Share
Share
Share

წინა სტატია

ვინ არის Billboard Music Awards-ის ყველა დროის ყველაზე მეტი ჯილდოს მფლობელი არტისტი?

შემდეგი სტატია

ნიკო ნერგაძის რჩეული მუსიკა

შეიძლება დაგაინტერესოთ

ნატალია ნაყოფია

„მთავარია შთაგონება და ემოცია იყოს და ემოცია სადაც არის, იქ სიმღერა აუცილებლად იწერება.“ – ნატალია ნაყოფია

24 თებერვალს ნატალია ნაყოფიამ „დედაენა ბარში“ კონცერტი გამართა, სადაც ძველ სიმღერებთან ერთად მუსიკოსმა ახალი პროექტიდანაც შეასრულა სიმღერები.
მეტი

გიორგი რამიშვილი: „მჯერა, „ევროპაკონცერტის” შემდეგ საქართველო უფრო ახლოს იქნება ევროპასთან და ევროპა – საქართველოსთან”

„ევროპაკონცერტის” იდეა უკავშირდება ბერლინის ფილარმონიული ორკესტრის დაარსების თარიღს – 1882 წლის 1-ელ მაისს.
მეტი

წინანდალში ბერლინის ფილარმონიული ორკესტრი „ევროპაკონცერტს” გამართავს

კონცერტი მაესტრო დანიელ ბარენბოიმის დირიჟორობით 2024 წლის 1-ელ მაისს წინანდლის ამფითეატრში გაიმართება. კონცერტში მონაწილეობას მიიღებს ქართველი მევიოლინე ლიზა ბათიაშვილი.
მეტი