მერაია ქერის მიმდინარე ტურნეს Merry Christmas One and All! მიზანია, სადღესასწაულო სეზონი მხიარულებით აავსოს. ჯენიფერ გარნერის აზრით კი, ეს მისია შესრულებულია. მსახიობმა ინსტაგრამზე მომღერლის კონცერტიდან მოკლე ვიდეო გამოაქვეყნა, სადაც გარნერი თავზე ირმისრქებიანი აქსესუარით მხიარულობს: „მადლობა საშობაო სიხარულის გავრცელებისთვის,” – დაწერა გარნერმა. მსახიობის ვიდეო კი თავად მერაია ქერიმ გააზიარა წარწერით: „მადლობა, რომ ასეთი სადღესასწაულო ხარ.”
გარნერი ერთადერთი ცნობილი სახე არ იყო, ვინც შოუს ესწრებოდა. კონცერტზე იყვნენ კიმ და ქლოი კარდაშიანებიც შვილებთან და დედასთან, კრის ჯენერთან ერთად. მოგვიანებით ქლოი კარდაშიანმა ინსტაგრამზე მერაია ქერისთან ერთად კულისებში გადაღებული ფოტოები გამოაქვეყნა. „შობის დედოფალი!!! Პატარა გოგონებისთვის ეს პირველი კონცერტია. მივედით, რომ თვით დედოფალი გვენახა! საუკეთესო დრო გავატარეთ და ყველაზე ჯადოსნური მოგონებები შევაგროვეთ!! მადლობა, დედა, რომ ყველა წამოგვიყვანე!”
რაც შეეხება მერაია ქერის საშობაო კლასიკას, All I Want For Christmas Is You, ტრადიციულად, კიდევ ერთხელ შევიდა Billboard Hot 100-ში, ამჯერად მე-17 ადგილზე.
ნახეთ ქლოი კარდაშიანის პოსტი:
