Neux (ნატა ბერაძე) ქართველი არტისტია, რომელსაც ელექტრონული მუსიკის მსმენელი უკვე დიდი ხანია იცნობს. 2023 წელს Neux-მა მუსიკალური შემოქმედების ახალი ეტაპი დაიწყო და მსმენელს საკუთარი ვოკალური მხარეც გააცნო. ამჯერად არტისტმა სიმღერა სახელწოდებით – Joy და მასზე გადაღებული კლიპი გამოუშვა. სიმღერის ტექსტი თავად NEUX-ს ეკუთვნის, ფროდაქშენზე არტისტმა Hoyah-მა იმუშავა, ხოლო მასტერინგზე ბერლინში დაფუძნებულმა სტუდია – Olo Mastering-მა. მუსიკალური ვიდეო კი JAM PROJECT-მა გადაიღო. JAM PROJECT ვიზუალური ხელოვნების მიმართულებით მომუშავე არტისტების გაერთიანებაა. მისი დამფუძნებლები გრიგორ დევეჯიევი და მერაბ ჭუმბურიძე არიან.
ეს პირველი შემთხვევა არ არის, როცა Neux-მა JAM PROJECT-თან ითანამშრომლა. 2023 წლის მაისში არტისტმა კლიპი სახელწოდებით All I Want წარადგინა, რომელზეც სწორედ JAM PROJECT-მა იმუშავა. აღსანიშნავია, რომ All I Want იყო პირველი ნამუშევარი, როცა მუსიკოსმა თავისი მელოდიისათვის ტექსტი დაწერა.
