ჯონი მარი, 80-იანი წლების ბრიტანული საკულტო ჯგუფის The Smiths-ის გიტარისტი, დონალდ ტრამპს აკრიტიკებს, საარჩევნო კამპანიაში ბენდის სიმღერის Please, Please, Please, Let Me Get What I Want გამოყენებისთვის.
Სიმღერა, რომლის ავტორებიც თავად მარი და ბენდის სოლისტი მორისი არიან, 1984 წელს სინგლის William, It Was Really Nothing B გვერდზე გამოვიდა. შემდეგ კი შევიდა ალბომებში Hatful of Hollow და Louder Than Bombs. და როგორც მარი ამტკიცებს, ის ნამდვილად არ უნდა შესულიყო ტრამპის საარჩევნო კამპანიაში.
„ვერასდროს ვიფიქრებდი, რომ ეს შეიძლებოდა მომხდარიყო. ახლავე შეწყვიტეთ,” – წერს მუსიკოსი და სამხრეთ დაკოტაში ტრამპის შარშანდელ აქციაზე გადაღებულ ვიდეოს აზიარებს.
Ahh…right…OK. I never in a million years would’ve thought this could come to pass. Consider this shit shut right down right now. https://t.co/M6eYROedOy
— Johnny Marr (@Johnny_Marr) January 23, 2024
ტვიტერზე გამოქვეყნებულ სხვა პოსტებში კი ამტკიცებენ, რომ The Smiths-ის მუსიკა ხშირადაა გამოყენებული ტრამპის აქციებზე მისული ხალხის გასახურებლად. მათ შორის იყო 22 იანვარს ნიუ-ჰემფშირში გამართული ღონისძიებაც.
პოლიტიკური კარიერის განმავლობაში ტრამპს არაერთი პრობლემა შეჰქმნია მუსიკოსებთან. The Rolling Stones, ფილ კოლინსი, Linkin Park, რიანა, ფარელი, სტივენ ტაილერი, Guns N’ Roses იმ არტისტებს შორის არიან, რომლებმაც ყოფილ პრეზიდენტს მათი მუსიკის საარჩევნო კამპანიებში თანხმობის გარეშე გამოყენებისთვის უჩივლეს.
