ბრიუს სპრინგსტინის დედა, ადელი, 98 წლის ასაკში გარდაიცვალა. 74 წლის მუსიკოსმა ეს ამბავი ინსტაგრამის საშუალებით გაავრცელა და ვიდეოც გამოაქვეყნა, რომელშიც ის დედასთან ერთად ცეკვავს გლენ მილერის პოპულარულ სიმღერაზე In the Mood.
„ადელ სპრინგსტინი: 4 მაისი 1925 – 31 იანვარი 2024,” – წერს მუსიკოსი ვიდეოს ქვეშ. სპრინგსტინმა პოსტს თავისი ერთ-ერთი სიმღერის ტექსტიც დაურთო: The Wish მან თავის დროზე სწორედ დედას მიუძღვნა.
ბრიუსის გარდა ადელს კიდევ ორი შვილი დარჩა – პამელა და ვირჯინია. ხოლო მისი მეუღლე დუგლას სპრინგსტინი, რომელზეც 1948 წელს დაქორწინდა, 1998-ში გარდაიცვალა.
ადელი ყოველთვის ამაყობდა თავისი ვაჟის მუსიკით და ხანდახან სცენაზეც კი ადიოდა და მასთან ერთად ცეკვავდა. „დედაჩემს უყვარს ცეკვა,” – ამბობდა ბრიუსი 2021 წელს. „ის 40-იან წლებში გაიზარდა. იმ დროს კი ცეკვა ეგზისტენციალური აქტი იყო. ახლა დედა 95 წლისაა. 10 წელია, რაც ალცჰაიმერი აქვს და ამ დაავადებამ ბევრი რამ წაგვართვა. მაგრამ ცეკვის სურვილი მას არასდროს განელებია,” – აღნიშნავდა მაშინ მუსიკოსი.
ნახეთ ბრიუს სპრინგსტინის პოსტი დედის გარდაცვალების შესახებ:
