სელინ დიონი, ყველასთვის მოულოდნელად, 2024 წლის გრემის დაჯილდოებაზე გამოჩნდა

მომღერალმა 2022 წელს გაამხილა, რომ SPS, ანუ დაჭიმული ადამიანის სინდრომი აქვს.
სელინ დიონი 2024 წლის გრემის დაჯილდოებაზე
Amy Sussman/Getty Images

2024 წლის გრემის დაჯილდოება სიურპრიზებით იყო სავსე. თუმცა ყველაზე დიდი სიურპრიზი ცერემონიაზე პოპლეგენდის, სელინ დიონის გამოჩენა გახდა. ბოლო ჯილდოს, წლის ალბომის წარდგენისას სცენაზე გრძელი ნარინჯისფერი მოსასხამით, ყველასთვის მოულოდნელად, სელინ დიონი გამოვიდა. მის საჯაროდ გამოჩენას აუდიტორიის მხრიდან დიდი ოვაციები მოჰყვა. მომღერალი კი, თავის მხრივ, მაყურებელს სცენიდან უკრავდა ტაშს. „მადლობა ყველას,” – თქვა მან. „მეც ძალიან მიყვარხართ. ძალიან ბედნიერი ვარ აქ ყოფნით და ამას მართლა მთელი გულით ვამბობ.”

2022 წლის დეკემბრის შემდეგ სელინ დიონი საჯაროდ თითქმის არ გამოჩენილა, მისი დიაგნოზის – SPS ანუ დაჭიმული ადამიანის სინდრომის გამო. ეს იშვიათი ნევროლოგიური აშლილობაა, რომელიც კუნთების უკონტროლო სპაზმს იწვევს და ადამიანის მოძრაობას ზღუდავს. მომღერალმა ჯერ 2023 წლის ტურნეს ყველა კონცერტი გადადო, შემდეგ კი იძულებული გახდა, ტურნე მთლიანად გაეუქმებინა. გასულ დეკემბერს დიონის დამ გაამხილა, რომ სელინი კუნთებს ვეღარ აკონტროლებდა. 

თუმცა გრემის დაჯილდოებაზე მისი ხანმოკლე გამოჩენის დროს მომღერალს სისუსტე არ დატყობია. სანამ წლის ალბომის გამარჯვებულ ტეილორ სვიფტს დაასახელებდა, დიონმა დამსწრე საზოგადოებას მიმართა და საღამოსგან სიამოვნების მიღება უსურვა.

„მათ, ვისაც იმდენად გაუმართლა, რომ დღეს გრემის დაჯილდოებას ესწრებიან, უნდა იცოდნენ, რომ ის სიყვარული და ბედნიერება, რაც მუსიკას მოაქვს ჩვენი და სხვა ადამიანების ცხოვრებაში, განსაკუთრებულად ძვირფასი საჩუქარია” – აღნიშნა მან. 

Share
Tweet
Share
Share
Share

წინა სტატია

2024 წლის გრემის დაჯილდოებაზე გამარჯვებულები გამოვლინდნენ

შემდეგი სტატია

ჯეი-ზიმ გრემის ორგანიზატორები ბიონსეს გამო გააკრიტიკა 

შეიძლება დაგაინტერესოთ

ნატალია ნაყოფია

„მთავარია შთაგონება და ემოცია იყოს და ემოცია სადაც არის, იქ სიმღერა აუცილებლად იწერება.“ – ნატალია ნაყოფია

24 თებერვალს ნატალია ნაყოფიამ „დედაენა ბარში“ კონცერტი გამართა, სადაც ძველ სიმღერებთან ერთად მუსიკოსმა ახალი პროექტიდანაც შეასრულა სიმღერები.
მეტი

გიორგი რამიშვილი: „მჯერა, „ევროპაკონცერტის” შემდეგ საქართველო უფრო ახლოს იქნება ევროპასთან და ევროპა – საქართველოსთან”

„ევროპაკონცერტის” იდეა უკავშირდება ბერლინის ფილარმონიული ორკესტრის დაარსების თარიღს – 1882 წლის 1-ელ მაისს.
მეტი

წინანდალში ბერლინის ფილარმონიული ორკესტრი „ევროპაკონცერტს” გამართავს

კონცერტი მაესტრო დანიელ ბარენბოიმის დირიჟორობით 2024 წლის 1-ელ მაისს წინანდლის ამფითეატრში გაიმართება. კონცერტში მონაწილეობას მიიღებს ქართველი მევიოლინე ლიზა ბათიაშვილი.
მეტი