ქართველი მუსიკოსი და კომპოზიტორი ვაჟა აზარაშვილი (13 ივლისი, 1936 – 7 თებერვალი, 2024) 87 წლის ასაკში გარდაიცვალა.
ვაჟა აზარაშვილს შექმნილი აქვს როგორც საესტრადო, ასევე სიმფონიური და კამერულ-ინსტრუმენტული ნაწარმოებები. წერდა მუსიკას მიუზიკლებისთვისაც. მისი კონცერტი ჩელოსა და კამერული ორკესტრისთვის ქართული მუსიკის საუკეთესო ქმნილებათა შორის მოხვდა და საქართველოს გარდა წარმატებით სრულდებოდა ევროპის საკონცერტო დარბაზებშიც. განსაკუთრებით ცნობილია ვაჟა აზარაშვილის სიმღერები თბილისზე.
2011 წელს თბილისის სახელმწიფო საკონცერტო დარბაზის წინ ვაჟა აზარაშვილის ვარსკვლავი გაიხსნა. მრავალ სხვა ჯილდოსთან ერთად მუსიკოსი ღირსების ორდენის კავალერიც იყო.
