Cardi B-იმ სიმღერა Like What (Freestyle) გამოაქვეყნა. რეპერმა კვირის დასაწყისში ახალ სიმღერასთან დაკავშირებით ინფორმაცია ინსტაგრამ სთორის მეშვეობით გააჟღერა.
სარეკლამო ვიდეო ზუსტად ერთი კვირის შემდეგ გამოვიდა, რაც მუსიკოსის მეუღლემ, Offset-მა, სოციალურ მედიაში Cardi B-ის ახალ სიმღერასთან დაკავშირებით სთორი გააზიარა. „ნუ გეშინია, დადე ალბომი” – წერს Offset.
სიმღერა Like What (Freestyle) Cardi B-ის პირველი სოლო ჩანაწერია 2021 წელს გამოცემული Up-ის შემდეგ, რომელიც ბილბორდის საუკეთესო 100-ში N1 ჰიტად დასახელდა. 2022 წელს სიმღერა Up გრემის ნომინაციაზე საუკეთესო რეპ შესრულებისთვის იყო წარდგენილი.
მოლოდინები, რომ Cardi B მეორე ალბომს გამოსცემს, დიდია, რადგან მუსიკოსმა სადებიუტო ალბომი Invasion of Privacy 2018 წელს გამოუშვა. ალბომი ბილბორდ 200-ში N1 ალბომად დასახელდა და ჰიტ სიმღერები Bodak Yellow და I Like It საუკეთესო Hot 100-ში მოხვდა. Invasion of Privacy 2019 წლის გრემის დაჯილდოებაზე საუკეთესო რეპ ალბომად დასახელდა.
მოისმინეთ Cardi B-ის ახალი სიმღერა Like What (Freestyle)
