დრეიკი სენტ-ლუისში გამართული კონცერტის შემდეგ დატრიალებულ ტრაგედიას გამოეხმაურა. რეპერმა მისი შოუს შემდეგ გარდაცვლილ დედა-შვილს პატივი მოაგო.
„არასდროს იცი, რა დაგემართება, როცა შენობიდან გახვალ”, – მიმართა აუდიტორიას დრეიკმა. „დაე, მშვიდობით განისვენონ ახალგაზრდა დედამ და მისმა შვილმა” – თქვა არტისტმა და ფანებს მოუწოდა, გარშემომყოფთა მიმართ სიყვარული გამოხატონ.
ლეტიჩა ბრასერო და ალისა კორდოვა 13 თებერვალს კონცერტს ტოვებდნენ, როცა მაღალი სიჩქარით მიმავალმა მანქანამ მოძრაობის წესები დაარღვია, შუქნიშანზე არ გააჩერა და დედა-შვილს დაეჯახა. დედა ადგილზე დაიღუპა, ხოლო შვილი – საავადმყოფოში მიყვანის შემდეგ.
მანქანის მძღოლი მონტე ჰენდერსონი დაკავებულია და მას ბრალი უკვე წაუყენეს. როგორც პოლიციამ დაადგინა, დაკავებული საათში 112 კილომეტრის სიჩქარით გადაადგილდებოდა.
ტრაგედიის შემდეგ ბრასეროს დამ GoFundMe-ის პლატფორმაზე ფულის შეგროვება დაიწყო, რათა ცხედრები მათ მშობლიურ ქალაქში, ჩიკაგოში გადაესვენებინათ. საზოგადოების მიერ გაღებული თანხით მალე 40,000 დოლარი შეგროვდა. როგორც GoFundMe-ის პოსტიდან ირკვევა, ლეტიჩა ბრასეროსთვის მისი ქალიშვილი ალისა ერთადერთი შვილი იყო.
