U2-ს სოლისტ ბონოს აუდიოწიგნი Surrender 2024 წლის Audie Awards-ზე საუკეთესო აუდიოწიგნად დასახელდა. დაჯილდოება 4 მარტს ლოს-ანჯელესში გაიმართა.
ბონოს აუდიოწიგნი, რომლის ქვესათაურია „40 სიმღერა და ერთი ამბავი“, 2022 წლის ნოემბერში Penguin Random House Audio-ს გამომცემლობით გამოიცა. მისი ხანგრძლივობა 20 საათი და 25 წუთია. ალბომი Songs of Surrender 2023 წლის 17 მარტს გამოიცა, ხოლო მისი დებიუტი ბილბორდ 200-ში ამავე წლის აპრილში შედგა, სადაც ალბომმა მეხუთე ადგილი დაიკავა.
აუდიოწიგნების დაჯილდოებაზე ოთხი ფინალისტი იყო დასახელებული: All the Sinners Bleed – შონ ანდრე კოსბის ავტორობით და ადამ ლაზარ-უაიტის გახმოვანებით, Inside Voice: My Obsession with How We Sound, რომლის ავტორი და მთხრობელი ლეიკ ბეილია, Sing a Black Girl’s Song – ნტოზეიკ შანჯის ავტორობითა და ალფრედ ვუდარდის გახმოვანებით და Tom Lake – ენ პაჩეტის ავტორობით, სადაც მთხრობელი მერილ სტრიპია.
დაჯილდოების ცერემონიას ისკარზე ნომინირებული სცენარისტი ნია ვარდალოსი უძღვებოდა, წამყვანები კი 2024 წლის აუდიო ჯილდოს მფლობელი ფელისია დეი, 2024 წლის ფინალისტი ლეიკ ბეილი და 2021 წლის ფინალისტი სამირა უილი იყვნენ.
ამერიკის ყოფილმა პირველმა ლედიმ მიშელ ობამამ ბიზნეს განვითარების კატეგორიაში აუდიოწიგნით The Light We Carry გაიმარჯვა, ტონის ექვსგზის გამარჯვებულმა ოდრა მაკდონალდმა ლიტერატურული ფანტასტიკისა და კლასიკის კატეგორიაში – ჰომეროსის „ილიადით“, ხოლო იუმორისტული ჟანრის კატეგორიაში ლესლი ჯონსის წიგნი Leslie F*cking Jones გამოარჩიეს.
ჯილდოებს აუდიო გამომცემელთა ასოციაცია (APA) გასცემს. APA 1986 წლიდან აუდიო გამომცემლობების გაერთიანებაზე და აუდიოწიგნების ინტერესის გაზრდაზე და მის მნიშვნელობაზე მუშაობს.
გამარჯვებულთა სრული სიის ნახვა APA-ს ვებგვერდზეა შესაძლებელი: audiopub.org.
ნახეთ 2024 Audie Award-ის გამარჯვებულები:
წლის აუდიო წიგნი
Surrender
ავტორი და მთხრობელი – ბონო
გამომცემლობა: Penguin Random House Audio
ავტობიოგრაფია/მემუარები
Making It So
ავტორი და მთხრობელი – პატრიკ სტიუარტი
გამომცემლობა Simon & Schuster Audio
ბიზნესი / პიროვნული განვითარება
The Light We Carry
ავტორი და მთხრობელი – მიშელ ობამა
გამომცემლობა: Penguin Random House Audio
ფენტეზი
The Dragon Reborn
რობერტ ჯორდანის ავტორობით და როზამუნდ პაიკის მიერ გახმოვანებული
გამომცემლობა – Macmillan Audio
სამეცნიერო ფანტასტიკა
Tom Lake
ავტორი: ენ პაჩეტი, მთხრობელი: მერილ სტრიპი
გამომცემლობა HarperAudio
იუმორისტული
Leslie F*cking Jones
ავტორი და მთხრობელი ლესლი ჯონსი
გამომცემლობა: Hachette Audio
ლიტერატურული ფანტასტიკა და კლასიკა
ჰომეროსის „ილიადა“
ემილი უილსონის თარგმანი, მთხრობელი ოდრა მაკდონალდი
გამომცემლობა: Audible Studios
მოთხრობათა კრებული
Wild and Precious: A Celebration of Mary Oliver
ავტორი: მერი ოლივერი, თანაავტორები: სოფია ბუში, როს გეი, სამინ ნოსრატს, რაინ უილსონი და სიუზან კეინი
მთხრობელი: სოფია ბუში
გამომცემლობა: Pushkin Industries
