სემ სმითმა განსხვავებული საშემსრულებლო უნარები წარმოაჩინა პარიზის მოდის კვირეულზე, სადაც ის პოდიუმზე წარდგა. მომღერალი ვივიენ ვესტვუდის ქალის ხაზის შემოდგომა-ზამთრის კოლექციის ჩვენების ერთ-ერთი მოდელი იყო და ბრენდის ბოლო კოლექციიდან ორი კოსტიუმი წარადგინა.
პირველი კოსტიუმი მთლიანად შავ ფერში იყო გადაწყვეტილი: გრძელი შავი მოსასხამი, შავი ხელთათმანები, შავი ჩანთა და შავი ქუდი ვუალით. მეორე კოსტიუმი კი ვესტვუდის საყვარელი კუბოკრული ქსოვილით იყო შთაგონებული.
ინსტაგრამზე ბრენდმა ერთობლივი ფოტო გააზიარა, სადაც სმითი შავი კოსტიუმით პოზირებს. ფოტო მე-19 საუკუნის ავტორის, ჰენრი ჯეიმსის ციტატითაა დასათაურებული: „ტრადიცია მხოლოდ მაშინ ცოცხლობს, როცა მას რაიმე ემატება.”
Სმითმა კი, თავის მხრივ, ბრენდისადმი მადლიერება საკუთარ ინსტაგრამ გვერდზე გამოხატა.
