მარკ რონსონი ამბობს, რომ Barbie-ის საბოლოო ვერსიიდან სიმღერის I’m Just Ken ამოჭრა სურდათ

რონსონმა გაიხსენა, რომ რეჟისორ გრეტა გერვიგს დიდი ბრძოლის გადატანა მოუხდა, რათა კენის პერსონაჟის მიერ შესრულებული ბალადა ფილმში დარჩენილიყო.
ფოტო: კევინ მაზური/Getty Images

2024 წლის ოსკარის დაჯილდოებაზე რაიან გოსლინგმა ფილმიდან „ბარბი“ სიმღერა სახელწოდებით I’m Just Ken შეასრულა და ეს შესრულება შოუს ერთ-ერთ ყველაზე გამორჩეულ ნაწილად იქცა. არადა, როგორც გაირკვა, ეს სიმღერა შეიძლებოდა საერთოდ არ გამხდარიყო ფილმის ნაწილი, რადგან მისი ამოჭრის საკითხი სერიოზულად იდგა. ამის შესახებ მუსიკალურმა პროდიუსერმა მარკ რონსონმა მედიასთან ისაუბრა. 

კინოაკადემიის დაჯილდოებამდე The Sunday Times-მა რონსონთან ინტერვიუ ჩაწერა. სწორედ ამ ინტერვიუში გაიხსენა მუსიკალურმა პროდიუსერმა და სიმღერის თანაავტორმა, რომ „ბარბის“ რეჟისორ გრეტა გერვიგს ბრძოლის გადატანა მოუხდა, რათა კენის პერსონაჟის მიერ შესრულებული ბალადა ფილმის საბოლოო ვერსიაში შესულიყო.

„როცა ფილმი პირველად ვნახეთ, სიმღერამ არ გაამართლა. მასში იუმორი კარგად არ გამოჩნდა და ამან პანიკაში ჩამაგდო,”- თქვა მარკ რონსონმა გამოცემასთან საუბრისას. „გრეტას ბრძოლის გადატანა მოუხდა, რადგან კინოსტუდიამ კითხვების დასმა დაიწყო, თუ რამდენად მნიშვნელოვანი იყო ფილმისთვის ეს სიმღერა.” – გაიხსენა რონსონმა. მისი თქმით, გრეტა გერვიგმა კინოსტუდიას უთხრა, რომ კენის სიმღერის ეპიზოდი მისთვის უკიდურესად მნიშვნელოვანი იყო. 

სიმღერაში რაიან გოსლინგის გმირი კენი თავის სისუსტეებზე საუბრობს. სხვადასხვა სცენაში ის განსხვავებულ კოსტიუმებშია და მასთან ერთად ე.წ. “ბარბი ლენდის” მაცხოვრებლებს ვხედავთ. ოსკარის ცერემონიაზე ცოცხალი შესრულებისას კი გოსლინგს “დოლბის თეატრის” სპეციალურად მოწყობილ სცენაზე მარკ რონსონი, Guns N’ Roses-ის გიტარისტი სლეში და მუსიკოსი ვოლფგენგ ვან ჰელენი შეუერთდნენ. 

„ბარბი“ მსოფლიო კინოთეატრების ეკრანებზე 2023 წლის ივლისში გამოჩნდა. პრემიერიდან მალევე I’m Just Ken-მა მუსიკალურ სარეიტინგო სიებში დაიმკვიდრა ადგილი და Billboard Hot 100-ის ჩარტში 87-ე ადგილი დაიკავა. 2024 წლის იანვარში ნამუშევარმა Critic’s Choice Awards-ის საუკეთესო ორიგინალური სიმღერის კატეგორიაშიც გაიმარჯვა. 

„კენი სასაცილოა, მაგრამ გრეტა მიიჩნევს, რომ პერსონაჟს არასდროს უნდა დასცინო. როგორც არ უნდა გაგიკვირდეთ, ჩვენ მათ [პერსონაჟების] ტკივილს ვგრძნობდით,” – თქვა რონსონმა ინტერვიუში. „არასდროს მქონია სურვილი, უბრალოდ სასაცილო სიმღერა დამეწერა. ყოველთვის მსურდა ისეთი რამ, რაც ადამიანებს გულზე მოხვდებოდათ,” – აღნიშნა მუსიკალურმა პროდიუსერმა. 

Share
Tweet
Share
Share
Share

წინა სტატია

Elga - Le temps des fleurs

პირველი ქართველი მუსიკოსი ელგა ფორჩხიძე, რომელიც საფრანგეთის The Voice-ში წარდგა

შემდეგი სტატია

„ასეთი სიძულვილი ძალადობაა”- ლედი გაგა ტრანსფობიური შინაარსის კრიტიკას დაუპირისპირდა

შეიძლება დაგაინტერესოთ

ფრიდა კალოს მუზეუმის მიერ გავრცელებულ განცხადებაში ნათქვამია, რომ ტანსაცმელი, რომელიც მადონას სოციალურ ქსელში ატვირთულ ფოტოებში აცვია, მუზეუმის კოლექციას არ მიეკუთვნება

მუზეუმი მადონას მიერ ატვირთულ პოსტს გამოეხმაურა.
მეტი

გერმანელი გამომცემელი და რეჟისორი ანა მიულერი სოხუმის თეატრში ლექციას გამართავს

ანა მიულერი მსოფლიოში სახელგანთქმული მწერლის, პოეტისა და დრამატურგის, ჰაინერ მიულერის ქალიშვილია.
მეტი

ამერიკაში მოღვაწე ქართველმა პიანისტმა ლიანა ფაილოძე-ჰარონმა ქართული ნაწარმოებების ალბომი გამოსცა

ალბომი სახელწოდებით „ქართლი: საქართველოს ისტორიები” ქართველი კომპოზიტორების 12 ნაწარმოებს აერთიანებს.
მეტი

ტომ ჰენკსმა თავის შვილს სთხოვა, დრეიკის და კენდრიკ ლამარის დაპირისპირების ისტორია აეხსნა

„ეს ნამდვილი სიტყვების ომია. და ადამიანები ამაში მხარეებს ირჩევენ? ვინ იმარჯვებს?,” - ვკითხულობთ ტომ ჰენკსის მიწერილ ტექსტში.
მეტი
ANIK - mixtape 91011

ANIK-ის სადებიუტო მიქსთეიფი  – 91011

პროექტში შესული სამივე სიმღერა Dog Days, Burden და „დღე და ღამე” საერთო კონცეფციის მატარებელია, სადაც ქართული მუსიკის ელემენტები თანამედროვე ჟღერადობასთან არის შერწყმული.
მეტი