რამდენიმე დღის წინ, ქალების საერთაშორისო დღესთან დაკავშირებით, TikTok-ის ცნობილმა ტრანსგენდერმა ინფლუენსერმა დილან მალვეინმა ლედი გაგასთან ერთად გადაღებული ფოტო ინსტაგრამზე გამოაქვეყნა. ამ პოსტმა საზოგადოების ნაწილის მხრიდან კრიტიკა გამოიწვია. ისინი ტრანსფობიის შემცველი შინაარსის უარყოფითი კომენტარებით არა მხოლოდ ტრანსგენდერ ინფლუენსერს, არამედ მომღერალსაც დაუპირისპირდნენ.
ამის შემდეგ ლედი გაგამ ფოტო თავის ინსტაგრამზეც განათავსა და მის აღწერაში ტრანსფობიასა და უარყოფითი კომენტარების ავტორებს დაუპირისპირდა. „შემაძრწუნებელია, ის ფაქტი, რომ ჩემსა და დილან მალვეინის პოსტს ასეთი ზიზღითა და სიძულვილით ხვდებიან,”- წერს ლედი გაგა. მომღერლის თქმით, ეს არ არის საპასუხო რეაქცია და სიძულვილით სავსე ამგვარი კრიტიკა ძალადობის ფორმაა.
თავის პოსტში გაგა ზოგად თემასაც შეეხო და აღნიშნა, რომ დიდი სამუშაოს გაწევაა საჭირო, რათა ტრანსგენდერების მიურებლობა მთელ მსოფლიოში აღმოიფხვრას. „ამ მომენტში პასუხისმგებლობას ვგრძნობ არა მხოლოდ დილანის, არამედ მთელი ტრანს-საზოგადოების მიმართ. ისინი აგრძელებენ გზის გაკვალვას თავისი შთაგონებით მუდმივი დეგრადაციის, შეუწყნარებლობის, ფიზიკური, თუ სიტყვიერი და გონებრივი ძალადობის პირობებში,”- წერს ლედი გაგა. „რა თქმა უნდა, ამ საზოგადოების სახელით არ ვლაპარაკობ, მაგრამ მეც მაქვს რაღაც სათქმელი. ვიმედოვნებ, რომ ყველა ქალი გაერთიანდება, რათა ქალთა საერთაშორისო დღეს ყველას პატივი მივაგოთ,”- მიმართა საზოგადოებას არტისტმა.
ნახეთ ლედი გაგას სრული პოსტი.
