ჯეიმს კორდენთან სტუმრობისას Dr. Dre-მ წარსულ ავადმყოფობაზე ისაუბრა. მისი თქმით, 2021 წელს კლინიკაში ყოფნისას რამდენიმე ინსულტი გადაიტანა.
„ეს ისაა, რასაც ვერ აკონტროლებ. ორი კვირის განმავლობაში სამი ინსულტი გადავიტანე,” – უთხრა რეპერმა კორდენს.
Dre-მ საავადმყოფოში წასვლის ეპიზოდიც გაიხსენა. მისი თქმით, გაღვიძებისას ყურის უკან უსიამოვნო შეგრძნება ჰქონდა, რაც შემდეგ „ყველაზე საშინელ ტკივილად” იქცა.
„ავდექი და ჩვეულებისამებრ დავიწყე დღე. თუმცა ცოტა ხანში ვიფიქრე, დავწოლილიყავი და ცოტა წამეძინა. ჩემს ვაჟს მეგობარი გოგონა ჰყავდა და მან მითხრა, არა, საავადმყოფოში უნდა წაგიყვანოთო. შემდეგ უკვე გონებას ვკარგავდი. ხან გონზე ვიყავი, ხან – არა. საბოლოოდ კი ინტენსიური თერაპიის განყოფილებაში აღმოვჩნდი, სადაც ორი კვირა გავატარე. მესმოდა, ექიმები რომ შემოდიოდნენ და ამბობდნენ: თქვენ არ იცით, რა იღბლიანი ხართ.”
Dre-ს თქმით, მიუხედავად იმისა, რომ ექიმებს ჰკითხა, თუ რა შეეძლო გაეკეთებინა ანევრიზმის თავიდან ასაცილებლად, კითხვაზე პასუხი ვერავინ გასცა. „წარმოდგენაც არ მქონდა, რომ მაღალ წნევას ვატარებდი ან რაიმე მსგავსი, რადგან ჯანმრთელად ვცხოვრობ. სიმძიმეებით ვვარჯიშობ, დავრბივარ, ყველაფერს ვაკეთებ, რომ ჯანმრთელი ვიყო. მაგრამ მაღალი წნევა შავკანიან კაცებში ხშირი შემთხვევაა – ეს არის და ეს. ამას ჩუმ მკვლელს უწოდებენ. შენ აზრადაც არ მოგივა, ამიტომ თავი სულ უნდა იმოწმო,” – თქვა მან.
რეპერმა ასევე აღნიშნა: „ასეთი გამოცდილების შემდეგ ნამდვილად აფასებ, რომ ცოცხალი ხარ. ეს დარწმუნებით შემიძლია ვთქვა.”
Dr. Dre-ს სრულ ინტერვიუს მოუსმინეთ ბმულზე.
