23-25 მაისს თბილისში ფესტივალი Into the Open იმართება, რომლის ფარგლებში სოხუმის სახელმწიფო დრამატულ თეატრი მსოფლიო სახელოვნებო სივრცის აღიარებულ არტისტებს მასპინძლობს. ფესტივალის გახსნის დღეს მსმენელის წინაშე წარდგნენ ბარენბოიმ-საიდის აკადემია და მსოფლიოში აღიარებული მევიოლინე მიხაილ ბარენბოიმი.
მიხაილ ბარემბოიმმა მედიასთან კომენტარი გააკეთა. მან ისაუბრა საკუთარ შემოქმედებით გზაზე, ფესტივალში მონაწილეობასა და ქართველი აუდიტორიის წინაშე გამოსვლით მიღებულ შთაბეჭდილებებზე.
„საქართველოში მეორედ ვარ. სექტემბერში წინანდლის ფესტივალზე ვიყავი და განსაკუთრებული შთაბეჭდილებები მივიღე. საქართველოში კლასიკური მუსიკა ძალიან უყვართ და აფასებენ,”- აღნიშნავს მიხაილ ბარენბოიმი.
ბარემბომი ვიოლინოზე ადრეული ბავდვობიდან უკრავს, თუმცა სკოლის დასრულების შემდეგ მან სხვა პროფესია აირჩია და მუსიკას დროებით ჩამოშორდა.
მიხაილ ბარენბოიმი:
„როცა სასწავლებელი დავამთავრე, მუსიკალურ შემოქმედებას, მის საფუძვლიან შესწავლას დავუბრუნდი. ეს იყო საკუთარი თავის აღმოჩენის ხანგრძლივი პროცესი.”
ფესტივალის მეორე დღეს, 24 მაისს, სოხუმის სახელმწიფო დრამატული თეატრის სცენას დაიკავებს ცნობილი ახალგაზრდა გერმანელი რეჟისორი და გამომცემელი ანა მიულერი. ის გამართავს ლექცია/დისკუსიას, რომელიც მისი მამის, მსოფლიოში ცნობილი დრამატურგის, ჰაინერ მიულერის ცხოვრებასა და შემოქმედებას ეხება. ამავე საღამოზე ანა მიულერი წაიკითხავს ჰაინერ მიულერის „ჰამლეტ-მანქანას”, ნიკოლაუს რექსთროთი კი ფორტეპიანოზე მუსიკალურ ინტერლუდიებს დაუკრავს. შესრულდება არნოლდ შონბერგისა და ვალენტინ სილვესტროვის ნაწარმოებები. ასევე შედგება სერგეი რახმანინოვის ნაწარმოების (ფრაგმენტები საფორტეპიანო ციკლიდან „მუსიკალური მომენტები”, თხზ. 16) მსოფლიო პრემიერა.
ფესტივალის დასკვნით დღეს კი, 25 მაისს, აუდიტორიის წინაშე წარდგებიან პრესტიჟული ამერიკული ცეკვის თეატრის, „ელვინ ეილის“ სოლისტი ეშლი გრინი და თბილისის ჯაზ-ანსამბლი ლუკა თოფურიას, ხატია ქორიძისა და სოსო ცაგარეიშვილის შემადგენლობით.
ბილეთების შესაძენად ეწვიეთ ბმულს.
