მსოფლიოში ერთ-ერთი ყველაზე პოპულარული ჰიპ-ჰოპ არტისტის, AKON-ის კონცერტი თბილისში

AKON-ს ეკუთვნის ისეთი ცნობილი ჰიტები როგორებიცაა: Lonely, Smack That და I Wanna Love You.

23 მაისს მრავალგზის გრემის მფლობელი არტისტის, ჰიპ-ჰოპის ლეგენდად წოდებული AKON-ის კონცერტი თბილისი არენაზე შედგა. კონცერტი Stage Love Affair-ისა  და MaximuM Concerts Company-ის ორგანიზებით გაიმართა. 

Ჰიპ-ჰოპ ლეგენდად აღიარებულ მუსიკოსს  ისეთ ცნობილ არტისტებთან უთანამშრომლია, როგორებიც არიან მაიკლ ჯექსონი, Lady Gaga, გვენ სტეფანი, დევიდ გრეტა,  Snoop Dogg, Eminem და 50 Cent.

AKON-ის სოლო დებიუტ ალბომი, რომლის სახელწოდებაა Trouble,  2004 წლის 29 ივნისს გამოიცა. მასში ისეთი სინგლებია შესული, როგორებიცაა: Locked Up, Lonely, Belly Dancer (Bananza), Pot Of Gold და Ghetto.

2005 წელს, AKON-ის ერთ-ერთი ყველაზე ცნობილი სინგლი, Lonely, ბილბორდის Hot 100-ის საუკეთესო ხუთეულში შევიდა. სიმღერამ  ასევე წარმატება მიაღწია ავსტრალიურ, ბრიტანულ და გერმანულ ჩარტებშიც.

AKON-ის მრავალფეროვანი დისკოგრაფია მისი მუსიკალური შესაძლებლობის და ტალანტის ხაზგასმაა, მის შემოქმედებაში მრავალფეროვანი მუსიკალური ჟანრი ჰარმონიულად გარდაისახება ერთმანეთში. კარიერის განმავლობაში AKON-ს ხუთი სტუდიური ალბომი აქვს გამოცემული: Trouble (2004), Konvicted (2006), Freedom (2008), El Negreeto (2019) – აღსანიშნავია რომ ალბომში AKON-ს ლათინო ელემენტები შემოაქვს მუსიკაში, მისი უკანასკნელ მეხუთე ალბომში Akonda (2019) კი AfroBeats-ის გავლენა იგრძნობა.

23 მაისს თბილისი არენაზე AKON-ის კონცერტამდე საღამო ქართულმა ჰიპ-ჰოპ ბენდმა Killage-იმ გახსნა.  კონცერტი ანშლაგით ჩატარდა, სადაც მსმენელმა 2000-იანი წლების დაუვიწყარი ჰიტები მოისმინა. 

Share
Tweet
Share
Share
Share

წინა სტატია

სოხუმის თეატრის სცენაზე ფესტივალი Into the Open გაიხსნა

შემდეგი სტატია

საქართველოს დამოუკიდებლობის დღესთან დაკავშირებით ნიუ-იორკის ჯაზ-კლუბ Nublu-ში ხონძი და მისი მეგობრები კონცერტს გამართავენ

შეიძლება დაგაინტერესოთ

კეტი პერი The Lifetimes -ის ტურნეს ფარგლებში, 2025 წლის 23 აპრილი, მექსიკა. ფოტო: თეო ვარგო /Getty Images for Katy Perry

კეტი პერიმ ავსტრალიაში ჩატარებული კონცერტის დასასრულს აუდიტორიას ემოციური გამოსამშვიდობებელი სიტყვებით მიმართა

„მადლობა, რომ ყოველთვის ჩემ გვერდით ხართ,“ - უთხრა მომღერალმა თაყვანისმცემლებს.
მეტი

ლეგენდა სცენაზე – ნანი ბრეგვაძის კონცერტი თიბისი კონცეპტის მხარდაჭერით გაიმართება

22 ივნისს, 20:00 საათზე, TEC-ის სივრცე განსაკუთრებული მუსიკალური საღამოს მასპინძელი გახდება. კონცერტს ქართული კულტურის ცოცხალი ლეგენდა ნანი ბრეგვაძე წარადგენს.
მეტი